ദേശാടനക്കിളി ...ഒരിടത്ത് നിന്ന് മറ്റൊരിടത്തേക്ക് ..

ഭാരതീയ കാലഗണന

2009-11-15T00:27:00.000-08:00

2 പരമാണു = 1 ദ്വിണുകം
3 ദ്വിണുകം = 1 ത്രസരേണു
3 ത്രസരേണു=1ത്രുടി

(ആയിരം താമരയില അടുക്കി വച്ചു ആരോഗ്യമുള്ള ഒരാള്‍ ഒരു സൂചി കൊണ്ടു അതില്‍ ആഞ്ഞു കുത്തിയാല്‍ ഒരില തുളഞ്ഞു അടുത്തതിലേക്ക് കടക്കാന്‍ വേണ്ട സമയമാണത്രേ ത്രുടി )

100 ത്രുടി =1 വേധം
3വേധം = 1 ലവം
3 ലവം = 1 നിമേഷം
3 നിമേഷം = 1 ക്ഷണം
5 ക്ഷണം = 1 കാഷ്ഠം
15 കാഷ്ഠം = 1 ലഘു
15 ലഘു = 1 നാഴിക
2 നാഴിക = 1 മുഹൂര്‍ത്തം
3.45 മുഹൂര്‍ത്തം = 1 യാമം
(ഏഴര നാഴിക )
4 യാമം = 1 പകല്‍ (രാത്രി)
8 യാമം = 1 അഹോരാത്രം

(അഹോരാത്രം പരിശ്രമിച്ചു എന്നൊക്കെ നാം പറയാറില്ലേ.. രാത്രിയും പകലും മുഴുവന്‍ എന്നര്‍ത്ഥം വരുന്നത് എങ്ങിനെ എന്ന് മനസ്സിലായല്ലോ )

15 അഹോരാത്രം = 1 പക്ഷം
2 പക്ഷം = 1 മാസം
2 മാസം = 1 ഋതു
3 ഋതു = 1 അയനം
(6 മാസം)
2 അയനം = ഒരു മനുഷ്യ വര്‍ഷം
6ഋതു ,12 മാസം

ഒരു മനുഷ്യ വര്‍ഷം = 1 ദേവ ദിവസം
360 ദേവ ദിവസം = ഒരു ദേവ വര്‍ഷം

4800ദേവ വര്‍ഷം= കൃതയുഗം
3600 ദേവ വര്‍ഷം =ത്രേതായുഗം
2400 ദേവ വര്‍ഷം = ദ്വാപരയുഗം
1200 ദേവ വര്‍ഷം=കലിയുഗം
നാല് യുഗങ്ങള്‍ ചേര്‍ന്നത്‌= മഹായുഗം

2000 മഹായുഗം = ഒരു ബ്രഹ്മ ദിനം
360 ബ്രഹ്മ ദിനം = ഒരു ബ്രഹ്മ വര്‍ഷം
1000 ബ്രഹ്മ വര്‍ഷം = ബ്രഹ്മാവിന്റെ ആയുസ്

പ്രളയം

ബ്രഹ്മാവിന്റെ ആയുസ്സ്‌ വിഷ്ണുവിന്റെ ഒരു പകല്‍ എന്ന് കണക്കാക്കിയിരിക്കുന്നു. പ്രളയകാലത്ത് ബ്രഹ്മാണ്ഡം ഉള്ളിലടക്കി വിഷ്ണു ഉറങ്ങുന്നു

(കടപ്പാട്..: മഹാഭാരതം, ഭാഗവതം, എപ്പോഴൊക്കെയോ വായിച്ച പുസ്തകങ്ങള്‍ , അങ്ങിനെ പോകുന്നു ...)

ഒരു ദേശസ്നേഹിയുടെ അന്ത്യപ്രസ്താവന..

2009-11-11T03:29:00.000-08:00

ഭാരതത്തെ ബ്രിട്ടീഷ് അടിമത്തത്തില്‍ നിന്നു മോചിപ്പിക്കാന്‍ അനേകായിരം പേര്‍ ജീവന്‍ നല്കിയിട്ടുണ്ട്...പ്രതിഫലമോ പ്രശസ്തിയോ ആഗ്രഹിക്കാതെ രാഷ്ട്രപ്രേമം എന്ന അഗ്നിയില്‍ ആഹുതി ചെയ്ത വിപ്ലവകാരികള്‍ ... സത്യാഗ്രഹത്തിലൂടെ സൂര്യനസ്തമിക്കാത്ത സാമ്രാജ്യത്തിന്റെ ഉറക്കം കെടുത്തിയ അര്‍ദ്ധ നഗ്നനായ ഫക്കീറും വിപ്ലവത്തിന്റെ തീജ്വാലകളായി മാറിയ ആസാദും തിലകനും സവര്‍ക്കരും ചാഫെര്‍ക്കര്‍ സഹോദരന്മാരും അങ്ങിനെ അങ്ങിനെ അങ്ങിനെ...ഒരു പുരുഷായുസ്സ്‌ മുഴുവന്‍ പറഞ്ഞാലും തീരത്ര അത്ര ഉണ്ട് ..അവരുടെ ഒക്കെ മാര്‍ഗങ്ങള്‍ വ്യത്യസ്ഥങ്ങളായിരിക്കാം ...അവര്‍ നമുക്കു നേടിത്തന്ന സ്വാതന്ത്ര്യത്തില് ചവിട്ടി നിന്നു നാം അവഹേളനങ്ങളുടെ പൂച്ചെണ്ടുകള് അവരുടെ രക്തസാക്ഷിത്വത്തിനു നേരെ എറിയുന്നു എന്നത് വേറെ വശം ..നമ്മുടെ വളച്ചൊടിക്കപ്പെട്ട ചരിത്രത്തില്‍ ആരും കാണാതെ ഇരുളില്‍ മങ്ങിക്കിടക്കുന്ന ഒരുപാട് അദ്ധ്യായങ്ങളുണ്ട്..വോട്ടുബാങ്കുകള്‍ക്ക് വേണ്ടി, ശീതീകരിച്ച മുറികളില്‍ ഇരുന്നു കൊണ്ട് നമ്മുടെ തമ്പുരാക്കന്മാര്‍ യഥേഷ്ടം പടച്ചു വിടുന്ന വിഴുപ്പുകള്‍ ഭക്ഷിച്ചു ഏമ്പക്കം വിടേണ്ട നമുക്ക് സ്വാഭിമാനത്തിന്ടെ വെളിച്ചം വീശുന്ന കൈത്തിരികള്‍ ചരിത്രത്തില്‍ അവിടെ അവിടെ ഉണ്ട്...കക്ഷിരാഷ്ട്രീയത്തിനും മതത്തിനും ജാതിക്കും വര്‍ണ്ണത്തിനും ഒക്കെ അതീതമായി അവയെ നോക്കിക്കാണാനുള്ള മനസ്സ് ഇന്നും ബാക്കി ഉണ്ടെങ്കില്‍, അവയെ കണ്ടെത്തുക അത്ര ദുഷ്കരമല്ല ...(ഇത് തൂക്കുമരത്തില്‍ വധശിക്ഷ നിറവേറ്റപ്പെടുന്നതിനു മുന്‍പ്‌ അവസാനമായി ശ്രീ മദന്‍ ലാല്‍ ദിംഗ്ര ലണ്ടനില്‍ വച്ച് ഇറക്കിയ അന്ത്യ പ്രസ്താവന , ലണ്ടനില്‍ നിന്ന് പ്രസിദ്ധീകരിക്കുന്ന "ഡെയിലി ന്യൂസ്‌ " എന്ന പത്രത്തില്‍ 1909 ഓഗസ്റ്റ്‌ 16 നു പ്രസിദ്ധീകരിച്ചു . പിറ്റെ ദിവസം , അതായത് ഓഗസ്റ്റ്‌ 17 നു അദ്ദേഹത്തെ തൂക്കിക്കൊന്നു)

"ഒരു ബ്രിട്ടിഷുകാരന്റെ രക്തം ചൊരിയേണ്ടിവന്നു എന്നത് സത്യമാണ്. എന്നാല്‍ അവര്‍ എന്റെ രാജ്യത്തിലെ ജനതയോട് കാണിക്കുന്ന ക്രൂരതയോടു താരതമ്യപ്പെടുത്തിയാല്‍ എന്റെ പ്രവൃത്തി തുലോം തുച്ഛമാണ്. ""എന്റെ രാഷ്ട്രം അടിമത്തത്തിലാണ്..സ്വാതന്ത്ര്യത്തിനു വേണ്ടിയുള്ള പോരാട്ടത്തില്‍ ഞങ്ങള്‍ക്ക് ആയുധങ്ങള്‍ പോലും ലഭ്യമല്ല ..""എന്റെ രാജ്യത്തോടു ചെയ്യുന്ന അവഹേളനം എന്റെ ദൈവത്തോടു ചെയ്യുന്ന അവഹേളനമാണെന്നു ഞാന്‍ വിശ്വസിക്കുന്നു . എനിക്ക് രാജ്യാരാധന ശ്രീരാമ പൂജയാണ് . രാജ്യസേവനം ശ്രീകൃഷ്ണ സേവയും ""ധനത്തിലും ബുദ്ധിശക്തിയിലും ദരിദ്രനായ എന്നെപ്പോലെ ഒരുവന് സ്വന്തം രക്തമാല്ലാതെ മറ്റെന്താണ് അമ്മയുടെ കാല്‍ക്കല്‍ അര്‍പ്പിക്കാന്‍ കഴിയുക ?""ഭാരതമാതാവിന്റെ പുത്രനായി ഒരിക്കല്‍ കൂടി ജനിക്കണമെന്നും മാനവ സമുദായ സേവനത്തിനു വേണ്ടി എന്റെ നാടിനെ സ്വതന്ത്രയാക്കാനുള്ള യജ്ഞത്തില്‍ ജീവന്‍ അര്‍പ്പികണം എന്നുമാണ് ഈശ്വരനോടുള്ള എന്റെ പ്രാര്‍ത്ഥന"

"വന്ദേ മാതരം "

ദിംഗ്രയെപ്പറ്റി അല്പം ..പഞ്ചാബ് പ്രിവിശ്യയിലെ ഒരു യദാസ്ഥിതിക കുടുംബത്തില്‍ പിറന്ന അദ്ദേഹം 1906 ഉപരിപഠനത്തിനു വേണ്ടി ലണ്ടനില്‍ പോയി. അവിടെ ഉനിവേര്സിടി കോളേജില്‍ ചേര്‍ന്ന് "മെക്കാനിക്കല്‍ എഞ്ചിനീയറിംഗ് ' പഠിച്ചു. അവിടെ വച്ച് വീര്‍ വിനായക് ദാമോദര്‍ സവര്‍ക്കറുടെ പ്രസംഗങ്ങളില്‍ ആകൃഷ്ടനാവുകയും അഭനവ്‌ ഭാരത്‌ മന്ടലില്‍ അംഗമാവുകയും ചെയ്തു.. 1857 ഒന്നാം സ്വാതന്ത്ര്യ സമരത്തിന്റെ വാര്‍ഷികത്തോടനുബന്ധിച്ച് 1908 ഇല്‍ സവര്‍ക്കര്‍ സംഘടിപ്പിച്ച പരിപാടികളില്‍ സജീവമായി പങ്കെടുക്കുകയും ചെയ്തു..തീവ്ര ദേശീയ ചിന്താഗതി ഉണ്ടായിരുന്ന അദേഹം ഭാരതത്തില്‍ സ്വാതന്ത്ര്യ സമര സേനാനികള്‍ അനുഭവിക്കുന്ന യാതനകളില്‍ അസ്വസ്ഥനായിരുന്നു ..ഒരുപാടു നാളത്തെ ആലോചനകള്‍ക്കും പദ്ധതികള്‍ക്കും ശേഷം 1909 ജൂലൈ 1നു "ഇന്ത്യന്‍ നാഷണല്‍ അസ്സോസിയേഷന്റെ വേദിയില്‍ വച്ച് "സര്‍ കര്‍സണ്‍ വല്ലിയെ ( ഉപദേശകന്‍ സെക്രടറി സ്റ്റേറ്റ് ഓഫ് ഇന്ത്യ ) വെടിയുതിര്‍ത്തുകൊണ്ട് കൊലപ്പെടുത്തുകയും ചെയ്തു .. ഒന്നാം സ്വാതന്ത്യത്തിനു ശേഷം ബ്രിട്ടീഷുകാര്‍ക്കെതിരെയുള്ള ആദ്യത്തെ തിരിച്ചടിയായി ഇത് കണക്കാക്കുന്നു ....

രക്തസാക്ഷിക്ക് പറയാനുള്ളത്

2009-06-15T23:30:00.000-07:00

രക്തസാക്ഷിക്ക് പറയാനുള്ളത്

(കടപ്പാട്‌ : ആദ്യമായി മുഷ്ടി ചുരുട്ടി വിളിച്ച "രക്തസാക്ഷി മരിക്കുന്നില്ല ജീവിക്കുന്നു ഞങ്ങളിലൂടെ " എന്ന മുദ്രാവാക്യത്തിനു ...ഗോ മാതാവാണെങ്കില്‍ കാള അച്ചനാവില്ലേ എന്ന് ചോദിച്ചു ഒരു പുതിയ വഴിത്താരയിലേക്ക് നയിച്ച ഗിരീഷേട്ടന്.. വിസ്മയക്കും ലാവ്ലിനും കരിദിനങ്ങള്‍ക്കും അങ്ങിനെ ഇന്നിന്റെ എല്ലാവിധ പുരോഗമനവാദത്തിന്ടെ ഉദാഹരണങ്ങള്‍ക്കും...)

"നന്ദി, കാലത്തിനും കാലനും പിന്നെ,
വിപ്ലവാഹ്വാനമേകിയ തീനാളത്തിനും
നന്ദി, അമ്മയേക്കാളും നെഞ്ചിലേറ്റിയ ദീപ്തമാം
പാടിപതിഞ്ഞൊരു വിപ്ലവഗീതിക്കും

പതറിയതില്ല ഞാന്‍ നിണമൊഴുകി വീഴ്കിലും
വിറച്ചില്ല , തീപ്പന്തമെന്തേണ്ട കൈകളും
ഓര്‍ക്കുന്നു ഞാനന്ന് കണ്ടൊരു സ്വപ്നത്തില്‍
രക്തസാക്ഷികള്‍ നെയ്തൊരു സമത്വ രാഷ്ട്രത്തിനെ

വ്യര്‍ത്ഥമോഹങ്ങള്‍, താണ്ടേണ്ട വീഥികള്‍
മുഷ്ടി ചുരുട്ടിയ വിപ്ലവവീര്യങ്ങള്‍
ഇന്നിന്റെ പാതയില്‍ രക്തപുഷ്പങ്ങളായ്
സ്വജീവിതം മാറ്റുന്ന പാഴായ സ്വപ്‌നങ്ങള്‍

അജ്ഞത തളം കെട്ടുന്ന കാഴ്ചകള്‍
ഇന്നിന്റെ വിപ്ലവം ശൈത്യം ഭയാനകം
ജീവരക്തതാല്‍ നനച്ചൊരീ സ്മാരക ശിലകളും
വില്‍പ്പനക്കെത്തുന്ന കാഴ്ചകള്‍.

വിലപേശലില്‍ മങ്ങുന്ന ഭാവിപ്രതീക്ഷകള്‍
കുരുന്നുകള്‍ കയ്യിലേന്തുന്ന കൊലക്കത്തികള്‍
തേടി ഞാന്‍, ഇടനാഴികളിലെ മൌനങ്ങളില്‍
എവിടെയാ ദൂരെ കളഞ്ഞ കൊയ്ത്തരിവാളിനെ

ശൈത്യം തളം കെട്ടും മുറിയിലതിഥിയായ് മേവുന്ന
നോട്ടുകെട്ടിന്‍ ഭാരമസഹ്യമായ് തോന്നിയോ
രക്തസാക്ഷി മഹാപര്‍വ്വതമത്രേ* വരികളില്‍..
ആഞ്ഞടിക്കേണ്ട കൊടുംകാറ്റായ് പിറന്നവന്‍

നന്ദി, കാലത്തിനും കാലനും പിന്നെ,
വിപ്ലവാഹ്വാനമേകിയ തീനാളത്തിനും

* ചൊല്ക്കവിതകളുടെ രാജകുമാരന്‍ മുരുകന്‍ കാട്ടാകടയുടെ രക്തസാക്ഷി എന്ന കവിതയിലെ പരാമര്‍ശം

പൂജ്യ ജനനി പൂജ ചെയ്യാന്‍ വെമ്പുമര്‍ച്ചനാ ദ്രവ്യമീ ഞാന്‍

2009-05-31T09:58:00.000-07:00

ഒരു സംഘ ഗണഗീതം കൂടി ....

പൂജ്യ ജനനി പൂജ ചെയ്യാന്‍

പൂജ്യ ജനനി പൂജ ചെയ്യാന്‍ വെമ്പുമര്‍ച്ചനാ ദ്രവ്യമീ ഞാന്‍
മിന്നുമുജ്വലപൊന്‍ കിരീടം തന്നില്‍ മുത്തായ്‌ തീര്‍ന്നിടേണ്ട
ദിവ്യമാത്തിരുനെറ്റിയില്‍ പൊന്‍ തിലകമായിത്തീര്‍ന്നിടേണ്ട
ഒരുവരും കാണാതെ കാറ്റിന്‍ കുളിര്‍മയായ്‌ ഞാന്‍ വീശിടാവൂ

ദേവി തന്‍ ശ്രീകോവിലില്‍ മണിമകുടമായി തീര്‍ന്നിടേണ്ട
നിത്യപൂജാ വേളയിങ്കല്‍ വാദ്യദ്വാനിയായ്‌ തീര്‍ന്നിടാവൂ
ഭാരമഖിലം പേറിടും ആധാരശിലയായ് തീര്‍ന്നിടാവൂ (പൂജ്യ ജനനി)

ദേവി തന്‍ ഗള നാളമണിയും പുഷ്പമാലികയായിടേണ്ട
കോവിലില്‍ പൊന്നൊളി പരത്തും ദീപമാലികയായിടേണ്ട
തൃക്കഴല്‍ത്താരടിയില്‍ വെറുമൊരു ധൂളിയായ്‌ ഞാന്‍ തീര്‍ന്നിടാവൂ (പൂജ്യ ജനനി)

ആര്‍ത്തിരമ്പും ഭക്ത തതി തന്‍ കീര്‍ത്തനങ്ങള്‍ മുഴങ്ങിടട്ടെ
അനര്‍ഘമാം കാഴ്ചകള്‍ നിരത്തി അവര്‍ കൃതാര്‍ത്ഥത പൂണ്ടിടട്ടെ
ഇരവിലെങ്ങാന്‍ വന്നു ഞാന്‍ തൃക്കഴലില്‍ നിര്‍വൃതി പൂണ്ടിടാവൂ (പൂജ്യ ജനനി)

കൂടുതല്‍ ഗണഗീതങ്ങള്‍ക്കായി ഇവിടെ ക്ലിക്ക് ചെയ്യുക

മലയാളം ലിറിക്സ് (വരികള്‍ ) വെബ്സൈറ്റ് (കവിതകള്‍, നാടന്‍പാട്ടുകള്‍ ,സിനിമാഗാനങ്ങള്‍.etc)

2009-05-08T04:12:00.000-07:00

മലയാളം ഗാനങ്ങളുടെയും കവിതകളുടെയും ഒരു അപൂര്‍വ്വശേഖരം ...

1. സിനിമാ ഗാനങ്ങള്‍

2. കവിതകള്‍

3. നാടന്‍ പാട്ടുകള്‍

4. ആല്‍ബം ഗാനങ്ങള്‍

5. ഗണഗീതങ്ങള്‍

അഭിപ്രായം അറിയിക്കുമല്ലോ ...

പ്രവീണ്‍

ശ്രീലങ്ക -പാലസ്തീന്‍ -മാനവികത..

2009-04-23T04:37:00.000-07:00

(തികച്ചും വൈകാരികപരമാണ് ഈ ബ്ലോഗ് ... ....ഹൃദയത്തിലെവിടെയോ തോന്നിയ കുഞ്ഞു നൊമ്പരത്തില്‍ നിന്നു തോന്നിയ ചിന്തകള്‍ ...)

ഏതാനും ചിലമാസങ്ങള്‍ക്ക് മുന്‍പ് നമ്മുടെ കുഞ്ഞു കേരളത്തിലെ ഏറ്റവും ഭീകരമായ വിഷയം 'മാനവികത' ആയിരുന്നു...അത്രയൊന്നും ചിന്താശേഷിയില്ലാത്ത ഒരു സാധാരണക്കാരനായ എനിക്ക് മനസ്സിലാവുന്നതിലും വലിയ ചര്‍ച്ചകള്‍ ആ വാക്കിന്മേല്‍ നടന്നിരുന്നു ..പ്രശ്നം പാലസ്തീനിലെ ഇസ്രയേല്‍ ഭീകരത ആയിരുന്നു... പിടഞ്ഞു വീണ കുഞ്ഞു ശരീരങ്ങളുടെ ചിത്രങ്ങള്‍ ആരുടെ മനസ്സിലും വേദനയുളവാക്കുന്നതായിരുന്നു ...എതിര്‍ക്കപ്പെടേണ്ടതു തന്നെയായിരുന്നു ... അങ്ങിങ്ങോളം പാലസ്തീനെ അനുകൂലിച്ചു പ്രകടങ്ങള്‍ ..പോസ്ടറുകള്‍ ...പിരിവുകള്‍ ...എന്തിനേറെ ഹര്‍ത്താല്‍ വരെ...അതിലും രസകരം ലോകം കണ്ട ഏറ്റവും വലിയ ഭീകര സംഘടനകളിലോന്നായ ഹമാസിനോടു പോലും (അവിടെ പിടഞ്ഞു വീഴുന്ന ജനതയോടല്ല) ഐക്യദാര്‍ഢ്യം പ്രഖ്യാപിച്ചു പ്രകടനങ്ങള്‍ നടന്നു.. നല്ലത് ... ഞങ്ങളുടെ സഹോദരന്മാര്‍ക്ക് ഞങ്ങളുടെ രക്തം നല്കും ..തുടങ്ങിയ പ്രസ്താവനകള്‍.. ഞങ്ങളുടെ 'സഹോദരന്‍' എന്ന് വച്ചാല്‍ മനുഷ്യവര്‍ഗം തന്നെയാണ് എന്ന് ഞാന്‍ ഇപ്പോഴും വിശ്വസിക്കുന്നു ....

ഇനി മാനവികതയുടെ അടുത്ത തലം .....കുറച്ചു ദിവസങ്ങളായി നമ്മുടെ പത്രങ്ങളിലും മറ്റും നിറയുന്ന കുറച്ചു മനുഷ്യരുടെ (ക്ഷമിക്കണം ..വസുദൈവ കുടുംബകം എന്ന വിശ്വാസത്തില്‍ ) ചിത്രങ്ങളുണ്ട്...തൊട്ടടുത്ത്‌ ശ്രീലങ്കയില്‍ സൈന്യത്തിന്റെ വംശഹത്യയില്‍ നിന്നു രക്ഷപ്പെടാന്‍ കുഞ്ഞുങ്ങളേയും മാറോടു ചേര്‍ത്ത് പിടിച്ചു ജീവന് വേണ്ടി പൊരുതുന്ന കുറച്ചു അമ്മമാരുടെ ചിത്രങ്ങള്‍...മുഖമാകെ ചോരയൊലിപ്പിച്ചു ഭക്ഷണത്തിന് വേണ്ടി കൈകളും നീതി യാചനയൊടെ നില്ക്കുന്ന കുഞ്ഞോമനകളുടെ ചിത്രം..

ഒരു ഭീകര സംഘടനയുടെ പേരില്‍ ബലിയാടാവേണ്ടിവന്ന ലക്ഷക്കണക്കിന്‌ തമിഴ് വംശജര്‍ ഈ പറഞ്ഞ 'മാനവികത' യുടെ പരിധിയില്‍ വരില്ലേ? ഇന്നേ വരെ ഒരു 'മാനവിക പ്രസ്ഥാനങ്ങളും ' ശബ്ദമുയര്‍ത്തുകയോ പ്രകടനം നടത്തുകയോ ചെയ്തില്ലല്ലോ? ഒരു സാംസ്കാരിക 'നായ'കന്റെയും പ്രസ്താവനകളും കണ്ടില്ല?

പച്ചക്ക് പറഞ്ഞാല്‍ ഇന്നിന്റെ മാനവികതയുടെ അളവുകോല്‍ മതമാണ്‌.. മനസ്സാക്ഷിയെ മതത്തിന്റെ അല്ലെങ്കില്‍ ഏതെങ്കിലും ഇസത്തിന്റെ മാറാല മൂടിയിട്ടില്ലെന്കില്‍ ഒന്നു ചിന്തിച്ചു നോക്കൂ..

വേദനയ്ക്ക് മതമുണ്ടോ..? ദാരിദ്ര്യത്തിനും ...
ഗുജറാത്തിലേയും മാറാടിലേയും പാലസ്തീനിലേയും ശ്രീലങ്കയിലേയും അമ്മമാരുടെ നഷ്ടത്തിന് ഏറ്റക്കുറച്ചിലുകളുണ്ടോ ..?
അഞ്ചു വര്‍ഷം കട്ടുമുടിക്കാനുള്ള അവകാശം ഒപ്പിച്ചെടുക്കാന്‍ വേണ്ടി ന്യുനപക്ഷ -ഭൂരിപക്ഷ വര്‍ഗീയതകളെ വളര്‍ത്തുന്ന ബ്രിട്ടീഷുകാരന്റെ അടവുനയത്തില്‍ നിന്നും മുഖ്യധാരാ രാഷ്ട്രീയ കക്ഷികള്‍ ഇനിയെന്കിലും പിന്മാറണ്ടേ ...?

ഇത്രമാത്രം ഓര്‍മ്മിപ്പിക്കട്ടെ.....ചരിത്രത്തില്‍ നിന്നും പാഠം ഉള്‍ക്കൊണ്ട് മുന്നേറുക......അല്ലെങ്കില്‍ നശിക്കാന്‍ തയ്യാറാവുക .....

ബ്ലോഗര്‍ക്കെന്താ കൊമ്പുണ്ടോ?

2009-04-17T01:56:00.000-07:00

ആവിഷ്കാരസ്വാതന്ത്ര്യത്തിന്റ്റെ അത്യുന്നത ശൈലങ്ങളില്‍ വിരാജിക്കുന്ന ഒരു മുടിചൂടാ മന്നനാണ്‌ ബ്ലോഗര്‍.. എന്ന് വച്ചാ ഈ ഭാരത ഭൂഖണ്ഡത്തില്‍ എന്നല്ല , അതിര്‍ത്തികളാല്‍ വേര്‍തിരിക്കപ്പെട്ട ഏതൊരു രാജ്യ സങ്കല്പങ്ങളില്‍ രൂപീകൃതമായ നിയമവ്യവസ്ഥിതികള്‍ക്കും അപ്പുറം തൂലികാനാമത്തിന്റ്റെ ചിറകില്‍ പറന്നു നടക്കുന്നവന്‍... അവനരെയും പരിഹസിക്കാം..അഭിപ്രായങ്ങള്‍ പറയാം..വിമര്‍ശിക്കാം..തെറി വിളിക്കാം...അങ്ങിനെ ഒരുപാടു അവകാശങ്ങള്‍ ജന്മനാ ഒരു ബ്ലോഗര്‍ക്ക് വരദാനമായി കിട്ടുന്നുമുണ്ട് ...എന്നാല്‍ ചിലപ്പോഴൊക്കെ, അല്ല ഈയിടെയായി മിക്കവാറും, ആരോഗ്യപരമായ ചര്‍ച്ചകള്‍ക്ക് പകരം, വ്യക്തി വിദ്വേഷത്തിന്റെയും ,രാഷ്ട്ര വിരുദ്ധ നയങ്ങളുടെയും പരസ്യമായ പ്രഖ്യാപനമായി നമ്മുടെ ചില ബ്ലോഗുകളെങ്കിലും മാറുന്നുണ്ട്...

ചിത്രകാരന്‍ പ്രശ്നത്തില്‍ ഈ മനോഭാവം പലപ്പോഴും പ്രകടമാകുകയും ചെയ്തു..ഒരു സമൂഹത്തിലെ സ്ത്രീകള്‍ മൊത്തം വേശ്യകളാണെന്നു പറഞ്ഞു ബുദ്ധിജീവി ചമഞ്ഞു നടന്ന ആ മഹാനുഭാവന്റെ ഭാഷയോടെ ചിലര്‍ക്ക് എതിരഭിപ്രായമുള്ളു...(വേശ്യകളാണെന്ന കാര്യത്തില്‍ ആര്‍ക്കും സംശയമില്ല..ചിലര്‍ക്കെന്കിലും ആ പരാമര്‍ശം സന്തോഷം നിറഞ്ഞ ഒരു ഉറക്കമെന്കിലും സമ്മാനിച്ചിട്ടുണ്ടായിരിക്കും )..ഇതിനെതിരെ പോലീസ് നടപടിക്ക് പോയ പൊന്നമ്പലത്തിനു നേരെ പലരും കടിച്ചു കീറുകയും ചെയ്തു...ആവിഷ്കാര സ്വാതന്ത്ര്യത്തിനു മേലുള്ള കടന്നു കയറ്റം..കഷ്ടം..

ആശയങ്ങളെ ആശയങ്ങള്‍ കൊണ്ടാണ് നേരിടേണ്ടത് എന്ന ന്യായം നിലനില്‍ക്കുന്നതുകൊണ്ട്‌ നിയമപരമായ നടപടികള്‍ ചങ്ങലകളും വിലങ്ങുകളുമാണത്രെ..ഒരു പരസ്യമായ മാധ്യമം എന്ന നിലയില്‍, ആര്‍ക്കു വേണമെങ്കിലും വായിക്കാവുന്ന, ആശയങ്ങളെ ദ്രുതഗതിയില്‍ കൈ മാറാവുന്ന ഒരു സങ്കേതമാണ് ബ്ലോഗ് എന്നിരിക്കെ, ഒരു സമൂഹത്തിന്റെയോ രാഷ്ട്രത്തിന്റെയോ അഖണ്ഠതയ്ക്ക് ഭീഷണിയാവുന്ന, ഏതെങ്കിലും തരത്തില്‍ ഭീഷണിയായേക്കുന്ന നിലപാടുകള്‍ നിയമപരമായി നേരിടേണ്ടതു തന്നെയല്ലേ? 'നിയമപരം' എന്നത് കൊണ്ടു ഒരു ഏകാധിപത്യ നിലപാടുകള്‍ അടിച്ചേല്പ്പിക്കുവാനുള്ള സാധ്യതയും അവിടെ ഇല്ലാതാവുന്നു..ആരോപിക്കപ്പെടുന്ന കുറ്റം നിഷേധിക്കാനും തെളിയിക്കാനും അവിടെ സാഹചര്യം ഉണ്ടല്ലോ ...എന്നാല്‍ തങ്ങള്‍ വിമര്‍ശനത്തിനും ബാഹ്യമായ ഇടപെടലുകള്‍ക്കും അതീതരാണ് എന്ന രീതിയിലുള്ള (അതെന്തു ആവിഷ്ക്കാര സ്വാതന്ത്ര്യത്തിന്റെ പേരിലാണെങ്കിലും ) ധാര്‍ഷ്ട്യം 'പൌരബോധമുള്ള വായനക്കാരനോടുള്ള' വെല്ലുവിളി അല്ലേ?

ഒരു മൈക്കിന്റെ മുന്നില്‍ കൂടി വരുണ്‍ ഗാന്ധി പറഞ്ഞ വിവരക്കേടുകള്‍ക്ക് ഉണ്ടായ നടപടികള്‍ സ്വാഗതാര്‍ഹമാണ് നമുക്ക്..അവിടെ ആശയപരമായി നേരിടാന്‍ ആരും തന്നെ ആവശ്യപ്പെട്ടിട്ടുമില്ല ..അതേപോലെ തന്നെ നിരീക്ഷിക്കപ്പെടെണ്ട മാധ്യമം തന്നെയാണ് ബ്ലോഗ് ..ഇത് തമ്മില്‍ compare ചെയ്യാന്‍ പാടില്ലാത്ത അകലം ഉണ്ടെന്നു ഈയുള്ളവന് തോന്നുന്നില്ല ...

ഒന്നുമാത്രം...ഭരണഘടനകള്‍ അനുശാസിക്കുന്ന പരിമിതികള്‍ക്കപ്പുറം, മാനവിക സ്നേഹത്തിന്റെ ചിറകുകളരിയുന്ന കൊടുവാളുമായി, ഒരു സമൂഹത്തിന്റെ വിശ്വാസപ്രമാണങ്ങള്‍ക്കു മേല്‍ അസഭ്യവര്‍ഷം ചൊരിയുന്ന തൂലികയുമായി, യാത്ര തുടരുന്ന ബ്ലോഗര്‍മാര്‍ (ആരെയും പേരെടുത്തു പറയുന്നില്ല) നിയന്ത്രിക്കപെടേണ്ടതാണ്...

വന്ദേ ജനനീ ഭാരത ധരണീ, സസ്യശ്യാമളേ ദേവീ

2009-04-06T08:22:00.001-07:00

ഒരു സംഘ ഗണഗീതം...

(ഗണഗീതങ്ങളെല്ലാം ഒരു വെബ്‌സൈറ്റില്‍ ഒരുമിച്ചു കൂട്ടാനുള്ള യത്നത്തിലാണ് ,, http://www.malayalamlyricsguru.com/index.php/patriotic-songs- )

വന്ദേ ജനനീ ഭാരത ധരണീ, സസ്യശ്യാമളേ ദേവീ
കോടി കോടി വീരരിന്‍ തായേ ജഗജനനീ നീ വെല്‍ക

ഉന്നത സുന്ദര ഹിമാമയപര്‍വ്വത മകുടവിരാജിത വിസ്തൃത ഫാലം
ഹിന്ദു സമുദ്ര തരംഗ സുലാളിത സുന്ദര പാദ സരോജം ...ജനനീ...ജഗജനനീ

ഗംഗാ യമുനാ സിന്ധു സരസ്വതി നദികള്‍ പുണ്യ പിയൂഷ വാഹികള്‍
കണ്ണന്‍ മുരളീഗാനമുതിര്‍ത്ത മഥുരാദ്വാരകയുടയോള്‍ ജനനീ...ജഗജനനീ

സങ്കടഹരണീ, മംഗളകരണീ, പാപനിവാരിണി, പുണ്യപ്രദായിനി
ഋഷിമുനിസുരജനപൂജിതധരണി ശോകവിനാശിനി, ദേവീ, ജനനീ...ജഗജനനീ

ശക്തിശാലിനി ദുര്‍ഗാനീയെ വിഭവപാലിനി ലക്ഷ്മി നീയേ
ബുദ്ധിദായിനി വിദ്യാ നീയേ അമരത നല്‍കിടും തായേ ജനനീ...ജഗജനനീ

ജീവിതമംബേ, നിന്‍ പൂജയ്കായ് മരണം ദേവീ, നിന്‍ മഹിമക്കായ്
നിന്നടിമലരിന്‍ പൂമ്പൊടിയൊന്നേ സ്വര്‍ഗ്ഗവും മോക്ഷവും തായേ... ജനനീ ..ജഗജനനീ

ചെരിപ്പുകുത്തിയുടെ മകള്‍ ...

2009-03-15T07:19:00.000-07:00

(ഒരു ദോഷൈക ദ്രൃക്ക് എന്ന വിശേഷണം എനിക്ക് ചാര്‍ത്തിക്കിട്ടിയിട്ടുണ്ട് ...ഒന്നും നിഷേധിച്ചു ശീലവുമില്ല.. അത്ര മധുരതരമാല്ലാത്ത ഒരു ബാല്യത്തിന്റെ ഓര്‍മ്മകള്‍ എന്റെ മനസ്സിന്റെ അടിത്തട്ടില്‍ എന്നെ നോക്കി പല്ലിളിക്കുന്നത് കൊണ്ടായിരിക്കണം എന്റെ കാഴ്ചകള്‍ നിങ്ങളില്‍ ആവര്‍ത്തന വിരസത ഉളവാകുന്നത് ..ക്ഷമിക്കുക..വലുതായ, ഉന്നതമായ നിലവാരമുള്ള, ആഴത്തിലുള്ള വായനയ്ക്ക് ഉപകരിക്കുന്ന ഒന്നും എനിക്ക് നല്‍കാനില്ല...)

ബൈക്ക് ഇന്‍ഷുറന്‍സ് തീര്‍ന്നതുകൊണ്ടു എടുത്തില്ല..യാത്ര ബസിലാക്കി ..തൃപ്രയാറില്‍ നിന്നു എറണാകുളത്തേക്കുള്ള 'ആനവണ്ടി' യില്‍ ഒരു തിരക്കുമില്ലാതെ കാലും നീട്ടി പുറത്തേക്ക് നോക്കി ഇരിക്കുകയായിരുന്നു.. ബസ്സ് കൊടുങ്ങല്ലൂര്‍ അമ്പലത്തിനു മുന്നില്‍ കുറെ നേരം നിര്‍ത്തി ..എന്തോ ചെറിയ പ്രശ്നം ഉണ്ട് ബസിനു...ഇപ്പൊ ശരിയാകും എന്ന് പറഞ്ഞു ..പുറത്തേക്ക് നോക്കിയിരുന്നു.. ഞായരാഴ്ച്ചയുടെ ആലസ്യമുണ്ട് എങ്ങും ..വലിയ തിരക്കൊന്നുമില്ല... അല്ലേലും മലയാളി അവധി ദിവസം ചിലവാക്കുന്നതിപ്പോ വിഡ്ദിപ്പെട്ടിയുടെ മുന്പിലാണല്ലോ ....സമയം നട്ടുച്ച ആയതിനാല്‍ നല്ല പൊള്ളുന്ന വെയില്‍.... എന്റെ സീറ്റിനു നേരെ പുറത്തു ഒരു ചെരുപ്പുകുത്തിയായ സ്ത്രീ ഇരിക്കുന്നു.. കുറെ ചെരിപ്പുകള്‍ അവിടെ കൂടിയിട്ടുണ്ട് ...ഉപയോഗശൂന്യമായതും അല്ലാത്തതുമായ കുറെ ചെരിപ്പുകള്‍ ..പൊള്ളുന്ന വെയിലാണ് ..ആ സ്ത്രീയുടെ തൊട്ടടുത്ത്‌ ഒരു കുഞ്ഞുണ്ട് ..2 വയസ്സുകാണും ..ഒരു കടും നീല ഉടുപ്പ് ഇട്ടിട്ടുണ്ട്.. ഒരു കറുത്ത പൊട്ടു തൊട്ടിട്ടുണ്ട് ..കാണാനും ഒരു ഐശ്വര്യം ഉണ്ട്..കുട്ടികള്‍ എന്നും എല്ലായ്പ്പൊഴും എനിക്കൊരു ലോകം സൃഷ്ടിച്ചു തരാറുണ്ട്..അതിരുന്നു കളിക്കുകയാണ്..രണ്ടു പഴയ ചെരിപ്പിന്റെ കഷണങ്ങള്‍ വച്ചു വണ്ടി ഓടിച്ചു കളിക്കുകയാണ്..രണ്ടു വണ്ടിയുടെയും ഡ്രൈവര്‍ പുള്ളിക്കാരി തന്നെ.. അമ്മ വളരെ തിരക്കിലാണ് ... പെട്ടെന്ന് അവിടെ ഫുട്പാതിനോടു ചേര്‍ത്ത് ഒരു പള്‍സര്‍ ബൈക്ക് കുത്തിക്കയറ്റി നിര്‍ത്തി..

രണ്ടു പയ്യന്മാര്‍ ..വണ്ടിയോടിക്കുന്നവന്റെ കോലം കണ്ടാല്‍ , സുരാജ് വെഞ്ഞാരന്മൂടിന്റെ ഭാഷ കടമെടുക്കുകയാണേല്‍ 'പെറ്റ തള്ള സഹിക്കില്ല' ...താടി അവിടവിടെ ഷേവ് ചെയ്ത ബാക്ക് മുഴുവന്‍ പ്രദര്‍ശിപ്പിക്കുന്ന തരത്തിലുള്ള ജീന്‍സ് ഒകെ ധരിച്ച മനുഷ്യ രൂപത്തിലുള്ള ഒരു സാധനം. കൂടെയുള്ളവന്‍ 'വാല്‍' അഥവാ 'പരാന്നഭോജി ' ആണ് എന്ന് ഒറ്റനോട്ടത്തില്‍ മനസ്സിലാകും ..ഇവന്‍ ഇറങ്ങി വന്നു ചെരുപ്പുകുത്തിയോടു എന്തോ ചോദിച്ചു.. ചെരുപ്പ് റിപ്പയര്‍ ചെയ്യുമോ എന്നാകണം ..അവര്‍ തലകുലുക്കുന്നത് കണ്ടു..ഇവന്‍ കാല് ഫുട്പാത്തില്‍ കയറ്റി വച്ച് അതിന്റെ സ്ട്രാപ് അഴിച്ചു ..കാല്‍ ചെറുതായി കുടഞ്ഞു..ചെരുപ്പ് ഊരി വരുന്നില്ല..ഒന്നുകുടെ ശക്തിയായി കുടഞ്ഞു..ചെരുപ്പ് തെറിച്ചു ആ കുഞ്ഞിന്റെ നെഞ്ചിലോട്ടു വീണു..വലിയ ശക്തിയിലൊന്നുമല്ല.. കുട്ടി ഒന്നു ഞെട്ടി ..നമ്മുടെ ഇത്തിക്കണ്ണിയുടെ മുഖത്ത് ഒരു അയ്യോ ഭാവം ഉണ്ട്...പക്ഷെ നായകന്റെ മുഖത്ത് അക്ഷമ മാത്രം ...എത്രയും വേഗം അത് തീര്‍ത്തിട്ട് വേണം അവന് ഇന്ത്യ അമേരിക്ക ആണവകരാറില്‍ ഒപ്പ് വക്കാന്‍ ...

പക്ഷെ ആ വീണ നിമിഷം ആ കുഞ്ഞു ഒന്നു ഞെട്ടി എങ്കിലും പെട്ടെന്ന് അവളുടെ മുഖത്ത് ഒരു സന്തോഷം കണ്ടു...ഒരു പക്ഷെ അവള്‍ വിചാരിചിട്ടുണ്ടാവണം, അവളുടെ കൂടെ വണ്ടി ഓടിച്ചു കളിക്കാന്‍ വന്നതാവണം ആ ചേട്ടന്‍ എന്ന്..അമ്മ ഈ ലോകത്തിലൊന്നും അല്ല...ആ ചെരുപ്പ് തുന്നുന്ന തിരക്കില്‍.. പെട്ടെന്ന് ഡബിള്‍ ബെല്ലടിച്ചു..ഞാന്‍ എന്റെ യാത്ര തുടര്‍ന്ന്..അവള്‍ അവളുടെ കളിയും...
..................

കൃത്യമായി സമയത്തു ഭക്ഷണം കൊടുത്തു, കളിപ്പാട്ടങ്ങള്‍ കൊടുത്തു, ഓമനിച്ചു വളര്‍ത്തുന്ന ജനുസ്സില്‍ പെടാത്ത ഒരു വിഭാഗം കുട്ടികള്‍ കൂടി നമ്മുടെ ചുറ്റുമുണ്ട്..നാം കണ്ടിട്ടും കാണാതെ നടിക്കുന്നവര്‍...മഴയത്തും വെയിലത്തും നീട്ടിയ കൈകളുമായി , ചളി പുരണ്ട മുഖങ്ങളുമായി , പനിയും മഞ്ഞപിത്തവും വന്നാലും വൈദ്യസേവനം കിട്ടാകനിയായ ഒരു വിഭാഗം...ഒരിത്തിരി വാല്‍സല്യം മുഖത്ത് പ്രതിഫലിപ്പിച്ച് (അഭിനയിപ്പിച്ചു )നമുക്കവരുടെ നേരെ നോക്കി ഒന്നു ചിരിച്ചുടെ? എങ്ങിനെ ചിരിക്കാനാ അല്ലെ? അവര്‍ക്ക് മതമില്ലല്ലോ? അവര്‍ ഒരു 'യാത്രകളിലും' അവര്‍ കൊടിപിടിക്കുകയില്ലല്ലോ... ഏത് പ്രോഗ്രാമിനാ അവര്‍ SMS അയക്കാ?

പാചകലോകം-മതേതര രസായനം

2009-03-09T07:58:00.000-07:00

ചേരുവകള്‍

1. ഹിന്ദു വര്‍ഗീയഫാസിസ്റ്റ് - അര കിലോ തൊലി കളഞ്ഞത്-
2. വംശഹത്യ ഭീകരന്‍ മോഡി -ഗുജറാത്തില്‍ നിന്നു കൊണ്ടു വന്ന ഈ ഐറ്റം വെള്ളത്തിലിട്ടു കുതിര്‍ത്തത്
3. അഫ്സല്‍ ഗുരു , ഹുസൈന്‍ , മ-അദനി ഓരോ നുള്ള് വീതം
4. ഭാരതാംബ , സരസ്വതി , ദുര്‍ഗ തുടങ്ങിയവരുടെ തുണിയുടുക്കാത്ത ചിത്രങ്ങള്‍ -ഓരോന്ന് വീതം
5. ആവിഷ്കാര സ്വാതന്ത്ര്യം -നേര്‍മ്മയായി അരിഞ്ഞത്
6. പാലസ്തീന്‍ അനുതാപം, വ്യാജ ഏറ്റുമുട്ടല്‍ , കാശ്മീര്‍ സ്വാതന്ത്ര്യ പോരാളികള്‍ എന്നിവ ഓരോ ടേബിള്‍ സ്പൂണ്‍ വീതം
7. കുന്തം, ഗദ തുടങ്ങിയവ ഇഷ്ടത്തിന് (ഹിന്ദു സന്യാസിമാരുടെ ആസനത്തില്‍ കയറ്റി പരിചയമുണ്ടെങ്കില്‍ നല്ലത് )

ഇത്രയും സാധനങ്ങള്‍ ഈ വിഭവം തയ്യാറാക്കുവാന്‍ അത്യന്താപേക്ഷിതമാണ് . ഇനി നമുക്ക് പാചകം ആരംഭിക്കാം ..
ആദ്യമായി നന്നായി അരിഞ്ഞെടുത്ത ആവിഷ്കാരസ്വാതന്ത്ര്യം വെളിച്ചെണ്ണയില്‍ മൂപ്പിക്കുക, വെളിച്ചെണ്ണ ലഭ്യമല്ലെങ്കില്‍ സവര്‍ണ മേലാള ഫാസിസം പോലുള്ള വില കുറഞ്ഞ എണ്ണയോ ഉപയോഗിക്കാം...നല്ല 'പച്ച' നിറം ആവുന്നത് വരെ മൂപ്പിക്കുക ..അതിന് ശേഷം ഹിന്ദു വര്‍ഗീയ ഫാസിസ്റ്റ് നാലു കഷണങ്ങളാക്കി തിളച്ച ആവിഷ്കാര സ്വാതന്ത്ര്യത്തിലിട്ട് വാട്ടുക ..ഹിന്ദു ദേവതകളുടെ ചിത്രങ്ങള്‍ ഒന്നിന് പുറകെ ഒന്നായി ഇടുക .. അത് വെന്തു വരുന്നതു വരെ R.S.S ഇസ്രയേല്‍ ബന്ധവും ഇന്ത്യന്‍ പട്ടാളക്കാര്‍ കാശ്മീര്‍ പോരാളികളോട് കാണിക്കുന്ന ക്രുരതയും ലഷ്കര്‍ ഇ തോഇബ , ഇന്ത്യന്‍ മുജാഹിദീന്‍ തുടങ്ങിയ മാനവിക പ്രസ്ഥാനങ്ങളെ പ്രകീര്‍ത്തിക്കുകയോ, അതും അല്ലേല്‍ ഇതിനെല്ലാം പകരമായി തേജസോ നേര് നേരത്തെ അറിയുന്ന പത്രമോ വായിച്ചാല്‍ ഇതിന് ഒരു മാനവിക രുചി കൂടി ലഭിക്കും ..ഇനി അഫ്സല്‍ ഗുരു പുണ്യാത്മാവിനെ വിതറുക ...ഒന്നു ചൂടാക്കിയതിനു ശേഷം ഹുസൈനും മ-അടനിയും സമാസമം ചേര്‍ത്ത് പാലസ്തീല്‍ അനുതാപം കൊണ്ടു നന്നായി ഇളക്കുക.. നന്നായി ഇളക്കിയില്ലേല്‍ കെ.ഇ.എന്‍ പരുവം ആകും..
എ.കെ 47 പിടിച്ചു വിശുദ്ധ യുദ്ധം നടത്തുന്ന വെള്ളരിപ്രാവുകളെ വെടി വെച്ചു കൊള്ളുന്ന ഇന്ത്യന്‍ പട്ടാളക്കരെയോര്‍ത്തു പല്ലു ഞെരിച്ചു കുറച്ചു വ്യാജ ഏറ്റുമുട്ടല്‍, അലിഗഡ് യൂണിവേഴ്സിറ്റി എന്നിവ തുല്യ അനുപാതത്തില്‍ ചേര്‍ത്ത് നന്നായി തിളപ്പികണം ..ഇനി നമുക്ക് വംശഹത്യ ഭീകരന്‍ മോഡിയെ ഇതിലേക്ക് തൂവികൊടുക്കണം ..വെള്ളം വറ്റുന്നത് വരെ ആസനത്തില്‍ കയറ്റാന്‍ മാറ്റി വച്ചിട്ടുള്ള കുന്തം ഗദ എന്നിവ കൊണ്ടു നന്നായി ഇളക്കുക...

ഇപ്പോള്‍ സ്വാദിഷ്ടമായ 'മതേതര രസായനം ' റെഡി '.. ഇനി ഇതു നല്ല പോലെ തണുത്ത ശേഷം ബ്ലോഗിലോ കമെന്ട്സിലോ വിളമ്പിയാല്‍ നിങ്ങള്‍ മതേതര ബുദ്ധിജീവി ആയി....

കുറിപ്പ്: ഹിന്ദു ദേവതമാരുടെ ശരീര വടിവുകള്‍, ശിവലിംഗത്തിന്റ്റെ രതിഭാവം , പ്രവാചക സങ്കല്പം ഹിന്ദു വേദങ്ങളില്‍ തുടങ്ങിയ ചേരുവകള്‍ കൂടി ചേര്‍ത്താല്‍ അനുപമമായ ഒരു സ്വാദ് ലഭിക്കുന്നതാണ്

ശങ്കരാചാര്യര്‍ എന്ന സാമദ്രോഹി .......

2009-03-03T08:29:00.000-08:00

ഗ

മുഴുവന്‍ ലേഖനം ഇവിടെ വായിക്കാം

ഈ ലേഖനത്തിന് മറുപടി ദയവു ചെയ്തു ആരും എഴുതരുത്..ഇത് ഈ ബ്ലോഗില്‍ ആഡ് ചെയ്യാന്‍ കാരണം ഒന്നു മാത്രം ..

ഇവര്‍ വളരെ അടുത്തെത്തി കഴിഞ്ഞിരിക്കുന്നു ...
ഈ നാടിന്റെ മാറ് പിളര്‍ക്കാന്‍ ...
ആരാധാനയങ്ങള്‍് ആയുധപ്പുരകളാക്കി മാറാടുകള്‍ ആവര്‍ത്തിക്കാനുള്ള ശ്രമവുമായി
കാശ്മീരിലേക്ക് നമ്മുടെ സഹോദരന്മാരുടെ ധീരജവാന്മാരുടെ ജീവനെടുകാനുള്ള വിശുദ്ധ യുദ്ധത്തിന്റെ സന്ദേശവുമായി ...ഹിന്ദുവിന്റെ രക്തതിനായുള്ള അടങ്ങാത്ത കൊതിയോടെ ...ഹിന്ദു മൂല്യങ്ങള്‍ക്ക് മേല്‍ അസഭ്യവര്‍ഷവുമായി ....
നമുക്കവരെ സ്വാഗതം ചെയ്യാം ..കാരണം അവര്‍ മതേതരവാദികളാണ് ...നാം അമ്പലത്തില്‍ പോകുന്നവര്‍ ...ഭാരതമാതാവിനു ജയ് വിളിക്കുന്നവര്‍ ...'രാമന്നു ജയമെന്ന്' പാട്ടു പാടുന്നവര്‍ ....വര്‍ഗീയവാദികള്‍

മരണം നമ്മള്‍ അര്‍ഹിക്കുന്നു...കാരണം ..........................

പാഠം ഒന്ന് -വൃദ്ധസദനങ്ങള്‍ ഉണ്ടാകുന്നത്

2009-02-25T20:58:00.000-08:00

എല്ലാവരും പറയുന്നു ഞാന്‍ സ്വാര്‍ത്ഥനാണത്രെ..കണ്ണില്‍ ചോരയില്ലാത്തവന്‍..പെറ്റമ്മയെ നോക്കാന്‍ പറ്റാതെ വൃദ്ധസദനത്തില്‍ കൊണ്ടു ചെന്നാക്കിയവന്‍ ...എനിക്കെന്റെ കാര്യം നോക്കണ്ടേ? നോക്കണം ...

എന്നെ കുറ്റപ്പെടുത്തുന്നവര്‍ക്കായി ..അറിയാമോ..ഞാനിങ്ങനെ ആയിരുന്നില്ല...എന്റെ അമ്മ എന്നെ ആദ്യം പഠിപ്പിച്ച കാര്യമാ .."നീ നിന്റെ കാര്യം നോക്ക് ..". എനിക്കോര്‍മ്മയുണ്ട്...ഒന്നാം ക്ലാസ്സില്‍ പഠിക്കുമ്പോ ഒരിക്കല്‍ ഞാനൊരു മിട്ടായി നേറെ കൂട്ടുകാരന്‍ രാഗേഷിനു കൊടുക്കാന്‍ മാറ്റി വച്ചത് അമ്മ കണ്ടു.. അമ്മ പറഞ്ഞു, "അവന്‍ നിനക്കെന്തേലും തരോ? നീ ഒരു മണ്ടന്‍ ആണ്..മിട്ടായീം കൊണ്ടു നടക്കാണ്..നീ നിന്റെ കാര്യം നോക്കാന്‍ പഠിക്കു "..ഞാനത്ര കാര്യമാക്കി എടുത്തില്ല..പിന്നീടിത് പലപ്പോഴായി അമ്മ ആവര്‍ത്തിച്ചിരുന്നു ...കുറ്റിയും കോലും കളിച്ചു വിയര്‍ത്തൊഴുകി കേറി വന്നപ്പോള്‍ അമ്മ ഓര്‍മ്മിപ്പിച്ചു "നീയിങ്ങനെ കളിച്ചു നടന്നോ..അവന്മാരൊക്കെ പരീക്ഷ വരുമ്പോ ഒന്നാമതാവും ..അവര്‍ക്കൊക്കെ സ്വന്തം കാര്യം നോക്കാനറിയാം ..നീ വെറും മണ്ടന്‍ "...

സ്വന്തം കാര്യം നോക്കാനറിയാത്തത് ഇത്ര വല്യ പാപമാണെന്ന് ഞാന്‍ ചിന്തിച്ചു തുടങ്ങി...പരീക്ഷക്ക്‌ മാര്‍ക് കുറയുമ്പോ..അയലത്തെ ജീവന് എന്നേക്കാള്‍ മാര്‍ക്ക് കിട്ടുമ്പോള്‍ , പനി പിടിച്ചു ക്ലാസ്സില്‍ വരാന്‍ സാധിക്കാത്ത വിശ്വന് നോട്ട് പകര്‍ത്ത്തിയെഴുതി കൊടുക്കുമ്പോള്‍ , ഞാനീ "സ്വന്തം കാര്യം" പുരാണം കേട്ടുകൊണ്ടെയിരുന്നു ..എന്തിനേറെ അമ്മാവന്റെ മകന്റെ കല്യാണ സമയത്ത് വെയില് കൊണ്ടു ഓരോ ആവശ്യങള്‍ക്ക് വേണ്ടി ഓടി നടന്നപ്പോഴും ഇതോര്‍മ്മിപ്പിക്കാന്‍ അമ്മ മറന്നില്ല ...

എനിക്കിപ്പോഴും നല്ല ഓര്‍മ്മയുണ്ട് , ആദ്യമായി കിട്ടിയ ശമ്പളത്തില്‍ ഒരു വിഹിതം തൊട്ടടുത്തുള്ള ഒരു അനാഥാലയത്തിനു സംഭാവന നല്കിയത് സന്തോഷപൂര്‍വ്വം അമ്മയോട് പറഞ്ഞപ്പോള്‍ അമ്മയുടെ പ്രതികരണം .."ഇവിടെ ജീവിക്കാന്‍ തന്നെ കാശ് തികയണില്ല ..അപ്പോഴാ..സ്വന്തം കാര്യം ആദ്യം നോക്ക് ..ഒരു ദാനധര്‍മ്മി വന്നിരിക്കുന്നു "

ശരിയാ ..ഓര്‍മ്മ വച്ച നാള്‍ മുതല്‍ കേട്ടു തഴമ്പിച്ച വാചകങ്ങള്‍ക്ക് ഒരു പ്രത്യേക അര്‍ത്ഥം തോന്നിത്തുടങ്ങി ..ഞാനൊരു പാടു വൈകി...പിന്നെ എന്റെ ബാങ്ക് ബാലന്‍സ് കൂടി..വിലപേശാന്‍ പഠിച്ചു ..പിച്ചക്കാരനിലെ മനുഷ്യനെ കാണാനുള്ള കാഴ്ച നശിച്ചു ..സത്യത്തില്‍ അതില്‍ സന്തോഷിക്കാന്‍ തുടങ്ങി ..വിവാഹം...കുട്ടികള്‍..ഞാനിന്നു ബാധ്യതകളെ കുറിച്ചു ചിന്തിക്കാന്‍ പ്രാപ്തനായിരിക്കുന്നു ...അല്ല എന്നെ എന്റെ അമ്മ പ്രാപ്തനാക്കിയിരിക്കുന്നു..നന്ദി ...

---------------------------------------------------------------------------------------------------------------

ഇതു എന്റെ ചുറ്റും നടക്കുന്ന കാഴ്ചകളില്‍ നിന്നുണ്ടായ ഒരു കുഞ്ഞു പ്രതികരണം ...ഉമ്മ്മ ഉമ്മ ...ഈ കാഴ്ചകള്‍ കാണാന്‍ എന്നെ പഠിപ്പിച്ച , എന്റെ പുന്നാര അമ്മക്ക്

എന്റെ 'മലയാളി അഹങ്കാരവും' മധുര യാത്രയും

2009-02-23T06:49:00.000-08:00

മൂന്നു ദിവസമായി ഒരു യാത്രയിലായിരുന്നു. മധുര - തിരുപ്പുറം കുണ്ട്രം -പഴനി. ഒരു യാത്ര വിവരണം എഴുതാനുള്ള അഹങ്കാരം ഇപ്പൊ എനിക്കില്ലാത്തത് കൊണ്ടും വേറെ ചില അഹങ്കാരങ്ങള്‍ തകര്‍ന്ന് വീണത്‌ കൊണ്ടും കുറച്ചു സംഭവങ്ങള്‍ പറയാം.. ആദ്യമേ പറയട്ടെ എന്റെ 'മലയാളി അഹങ്കാരങ്ങള്‍ ' എന്നെ മാത്രം വിലയിരുത്തി കൊണ്ടു പറഞ്ഞതാണ്..എനിക്കറിയാം എന്റെ മലയാളികള്‍ തികഞ്ഞ മാന്യന്മാരും വിനയാന്വിതരും ആണ്..അല്ലാതെ എന്നെ പോലെ തികഞ്ഞ അഹങ്കാരിയും സര്‍വ്വോപരി തെമ്മാടിയും അല്ല.

എന്റെ 'മലയാളി അഹങ്കാരങ്ങള്‍' എന്തോക്കെയാന്നു പറയാന്‍ മറന്നു ..പറയാം ..രണ്ടു നേരം, പറ്റിയാല്‍ മൂന്നും നാലും നേരം , കുളിക്കുന്നതിന്റെ അഹങ്കാരം ...പൊതുവഴിയില്‍ പരസ്യമായി അപ്പിയിടാത്ത അഹങ്കാരം ..തെരുവോരങ്ങളില്‍ ചളി പുരണ്ട മുഖങ്ങളുള്ള കുഞ്ഞുങ്ങളുമായി പിച്ച തെണ്ടാത്തത്തിന്റെ അഹങ്കാരം...മാവേലി നന്മയുടെ കുത്തകാവകാശത്തിന്‍െ അഹങ്കാരം ...പൊട്ടിമുളച്ചു കൊണ്ടിരിക്കുന്ന ഐ.ടി പാര്‍ക്കുകളുടെ പെരുമയുടെ അഹങ്കാരം ...സാംസ്കാരിക ഔന്നത്യത്തിന്റെ അഹങ്കാരം...അങ്ങിനെ ഞാനൊരു ഒന്നൊന്നര അഹങ്കാരിയാണ് ..അല്ല ..ആയിരുന്നു

ഇങ്ങനെ എന്റെ അഹങ്കാരത്തിന് അന്ത്യം കുറിക്കുകയും ഒരു പുനര്‍ വിചിന്തനത്തിന് തുടക്കം കുറിക്കുകയും ചെയ്തത് ഒന്നു രണ്ടു കുഞ്ഞു കാര്യങ്ങളാണ് ..അതില്‍ ഒന്നാമത്തെ സംഭവത്തിന്റെ സൂത്രധാരനാണ് ശ്രീ അജിത് കുമാര്‍ ...ഇദേഹം തമിള്‍നാട്ടിലെ ബുദ്ധിജീവിയോ സാംസ്കാരിക നായകനോ അല്ല ..(അഭിപ്രായങ്ങള്‍ മൊത്തമായും ചില്ലറയായും വിറ്റു ജീവിക്കുന്ന അഴീകോട് മാഷിന് സ്തുതി) ..ഒരു പയ്യന്‍സാണ് ..6th ഇല്‍ പഠിക്കുന്നു .(ഫോട്ടോയില്‍ ഞാന്‍ തോളില്‍ കയ്യിട്ടു നില്‍ക്കുന്നതാണ് കഥാപാത്രം ).ഞങ്ങള്‍ ഇങ്ങനെ മധുര മീനാക്ഷി ദര്‍ശനത്തിനു കാത്തു നില്ക്കുന്നു ...മണിക്കൂറുകളായി കാത്തു നില്‍ക്കുകയാണ്‌ ..സ്വാഭാവികമായും ഞാനും ശിവദാസും അവിടത്തെ ആളുകളുടെ വൃത്തിയില്ലായ്മയെ കുറിച്ചും മറ്റും കൂലങ്കുഷമായി പരദൂഷണം പറഞ്ഞു നേരം കളയുകയാണ് (സ്വാഭാവികമായും ഞാന്‍ ഒരു അഹങ്കാരിയയത് കൊണ്ടു മാത്രം ...എനിക്കറിയാം മറ്റു മലയാളികള്‍ ഒരിക്കലും തമിഴന്മാരെ കുറ്റം പറയുകയോ ചീത്ത വിളിക്കുകയോ ഇല്ല)..ഈ കുട്ടി ഞങ്ങളുടെ തൊട്ടു മുന്‍പില്‍ നില്‍ക്കുന്നുണ്ട് ..അവന്‍ ഞങ്ങളെ നോക്കുന്നുണ്ട് ...ക്യു ഇഴഞ്ഞു നീങ്ങി തുടങ്ങി ...'അമ്മേ ' വിളികള്‍ കൊണ്ടു അന്തരീക്ഷം മുഖരിതമായി ...അവിടെ ശ്രീകോവിലിന് നേരെയായി ഒരു ചെറിയ സ്പേസ് ഉണ്ട് ..അതില്‍ കേറി നിന്നാല്‍ വ്യക്തമായി ദര്‍ശിക്കാം ..ശിവദാസും ഞാനും ചെറുതായി തിക്കിത്തിരക്കി അങ്ങോട്ട് ചാടിക്കേറാന്‍ (തീയേറ്റര്‍ പരിചയം ) ശ്രമിച്ചു ..പക്ഷെ മുന്‍പിലുള്ള പയ്യനാണ് അതിനുള്ള ഭാഗ്യം കിട്ടിയത് ..കേറിയ ഉടനെ അവന്‍ ഞങ്ങളെ ഒന്നു നോക്കി , ദര്‍ശനം പോലും നടത്താതെ ഞങ്ങളെ വിളിച്ചു ..എന്നിട്ടു പറഞ്ഞു .."ചേട്ടാ , നിങ്ങള്‍ കേറി കണ്ടോളൂ .."അവന്‍ താഴെ ഇറങ്ങി ..ഞങ്ങള്‍ക്ക് കുറച്ചിലായി ..അഹങ്കാരതിനിട്ടുള്ള ആദ്യത്തെ കൊട്ട് ..അപ്പോള്‍ അവന്റെ അടുത്ത ഡയലോഗ് ..."ദയവു ചെയ്തു കേറി അമ്മയെ ദര്‍ശിക്കൂ ..എന്റെ വീട് ഇവിടെ നിന്നു എട്ടു കിലോമീറ്റര്‍ ദൂരെയാണ് ..എനിക്കിനിയും വരാം ..നിങ്ങള്‍ ഒരു പക്ഷെ ജീവിതത്തില്‍ ആദ്യവും അവസാനത്തെയും വരവാവും "..എന്നിട്ടു ഞങ്ങള്‍ കേറി ഭംഗിയായി തൊഴുന്നതും നോക്കി അവന്‍ മാറി നിന്നു ..എനിക്കും സുഹൃത്തിനും കുറെ നേരത്തേക്ക് ഒന്നും സംസാരിക്കാനെ പറ്റിയില്ല ..ഇത്രയും നേരം തമിഴന്റെ സംസ്കാരത്തെ കളിയാകുകയായിരുന്നു ..മലയാളിയുടെ ആഭിജാത്യം നെഞ്ചിലേറ്റി ....ദര്‍ശനം കഴിഞ്ഞു പുറത്തിറങ്ങി അവനെ തേടിപ്പിടിച്ചു ..പരിചയപ്പെട്ടു ..പിന്നെടങ്ങോട്ടു ആ മിടുക്കനായിരുന്നു ഞങ്ങളുടെ ഗൈഡ് ..ഒരു പാടു സ്നേഹത്തോടെ , ബഹുമാനത്തോടെ അവന്‍ ഒരുപോ മുക്കും മൂലയും കാണിച്ചു തന്നു..ഐതിഹ്യങളൂം കഥകളും ചരിത്രവും ഒക്കെ പറഞ്ഞു തന്നു ആ കൂടുകാരന്‍ ഞങ്ങളോട് യാത്ര പറഞ്ഞു ...കൂടെ അവന്‍ എന്റെ 'മലയാളി അഹങ്കാരവും ' കൊണ്ടു പോയി...മധുരയിലെ തമിള്‍ അത്ര എളുപ്പത്തില്‍ മനസ്സിലാക്കാന്‍ പറ്റുന്നതല്ല ...സത്യം പറഞ്ഞാല്‍ പകുതിയേ പറ്റിയുള്ളൂ ..എന്നാലും തികഞ്ഞ സ്നേഹത്തോടെയും കുലീനത്വതോടെയും ഉള്ള ആ കുഞ്ഞു കൂട്ടുകാരന്‍ വളരെ പെട്ടെന്ന് തന്നെ ഹൃദയത്തില്‍ സ്ഥാനം പിടിച്ചു ..പിന്നീടങ്ങോട്ട് കുറെ അനുഭവങ്ങള്‍ ..

ഒരു പ്രശ്നത്തിന്‍ മേല്‍ അവിടത്തെ പോലീസ് അധികാരികളുടെ ക്രിയാത്മകവും സ്നേഹപൂര്‍വ്വവുമായ സമീപനം ...അങ്ങിനെ കുറെ...കൂട്ടത്തില്‍ വന്ന ഒരാള്‍ മിസ് ആയി ...കുറെ തേടി അലഞ്ഞു ..കിട്ടിയില്ല..പ്രായം ചെന്ന ആളാണ് ..മൊബൈല് ഇല്ല..അവസാനം പോലീസ് സ്റ്റേഷനില്‍ പരാതി കൊടുത്തു ..ഞെട്ടിപ്പിക്കുന്ന രീതിയിലുള്ള സമീപനം ...ഞങ്ങളെ ആശ്വസിപ്പിക്കുന്നു ..ഓടി നടക്കുന്നു ..അപ്പപ്പോള്‍ വിവരങ്ങള്‍ അറിയിക്കുന്നു ..

എന്തായാലും ഈ യാത്ര എന്നെ സംബന്ധിച്ച് ഒരു ആദ്ധ്യാത്മിക പരിവേഷത്തിനും ഉപരിയായി എന്തൊക്കെയോ ആയി മാറി ....

മംഗലാപുരം -ശ്രീരാമസേന-മീനാക്ഷിക്കുട്ടിയമ്മ

2009-02-19T01:54:00.000-08:00

ആദ്യമേ പറയട്ടെ ..ഇതില്‍ കാതലായ ഒന്നും തന്നെ ഇല്ല..വസ്തുതകളോ ഉന്നതമായ ചിന്തകളോ ഇല്ല..മറിച്ച് നിറയെ അസഹിഷ്ണുതയും നിലവാരംകുറഞ്ഞ വിലയിരുത്തലുകളും മാത്രം ..(സമയം വേസ്റ്റ് ചെയ്യിപ്പിക്കരുതല്ലോ...ഇവിടെ വച്ചു തന്നെ വായന നിര്‍ത്താം )
............................................................................................................................................

ഇതില്‍ അവസാനം പറഞ്ഞ കഥാപാത്രത്തെ മാത്രമെ പരിചയപ്പെടുത്തേണ്ടതുള്ളൂ ...എന്റെ അമ്മയാണ്.. മീനാക്ഷിക്കുട്ടി അമ്മ..അമ്മക്ക് ഈയിടെയായി വര്‍ഗീയതയുടെ വന്നു തുടങ്ങ്യോ എന്നൊരു പേടി ...കാരണം ഈയിടെയായി വല്യ വല്യ വിഷയങ്ങളില്‍ അമ്മ അഭിപ്രായം പറയുന്നു ...അതും ഒരു ഒന്നു ഒന്നര അഭിപ്രായം ...കഴിഞ്ഞ ആഴ്ച പുള്ളിക്കാരിക്കൊരു സംശയം ..എന്നതാ ഈ പ‌ബ്? പുള്ളിക്കാരി ഇതു വരെ ഈ ഐ.ടി പാര്‍ക് പോലൊരു സാധനം ആണ് എന്ന് വിചാരിച്ചിരിക്കാര്‍ന്നു (ഒരു പാലക്കാടന്‍ കുഗ്രാമത്തിലെ പ്രോഡക്റ്റ് ആണ്..അതും ലോകം എന്ന് വച്ചാല്‍ സിപിഎം എന്ന് വിചാരിച്ചിരിക്കുന്ന ഒരു പാവം ).,കാര്യങ്ങള്‍ പറഞ്ഞു കൊടുത്തു ...ദേ കിടക്കണ് ..."ഇവളുമാരെ നല്ല പുളിവാറല്‍ കൊണ്ടടിക്കണം ..കൂടെ നടക്കണ അവന്മാരേം "..മുത്തലിക് കേള്‍ക്കണ്ട ..കേരളത്തിന്റെ ചുമതല എങ്ങാനും കൊടുത്താലോ ...പാവല്ലേ എന്റെ അമ്മ...

ഒരു പരിധി വരെ കുടുംബം , മക്കള്‍ എന്നൊക്കെ വിചാരിച്ചു ജീവിക്കുന്ന അമ്മമാരുടെ ഡയലോഗ് ഇതു പോലെ ആവും ..യതാസ്ഥികരെന്നോ പുരുഷ മേധാവിത്വത്തിന്റെ തടവറയില്‍ കഴിയുന്ന അബലകളെന്നോ വിളിക്കാം ...എന്റെ വിഷയം ഒന്നും അതൊന്നും അല്ല ....കുറെ നാളുകളായി നമ്മുടെ 'പച്ചയായ' ബ്ലോഗുകളില്‍ ഉയരുന്ന ഒരു കാര്യം.. (ദേവിമാരുടെ മുലകളുടെ എണ്ണം എടുക്കുന്നതിന്റെ ഇടവേളകളില്‍ മാത്രം ..)..സത്രീകളെ ഭാരത സംസ്കാരത്തിന്റെ എന്തോ ഒന്നു തകര്‍ന്നു വീണത്രേ? അല്ല അറിയാന്‍ പാടില്ലാഞ്ഞു ചോദിക്കാ? കാമാസക്തിയുമായി വന്ന ശൂര്‍പ്പണഖയുടെ മൂക്കും മുലയും വരെ അരിഞ്ഞിട്ട ദൈവങ്ങള്‍ ഉള്ള നാടാണ് (കുറച്ചു ജെട്ടികള്‍ അയോധ്യയിലേക്കും അയച്ചാലോ? ഇതൊക്കെ ഊരിക്കളയാന്‍ ദൈവമായി ഓരോ അവസരങ്ങള്‍ ഉണ്ടാക്കിത്തരുകയല്ലേ ...)...താടക കൊച്ചിനെ കൊന്ന കാര്യവും നമുക്ക് പരിഗണിക്കേണ്ടതാണ് ..സ്‌ത്രീ ധ്വംസനത്തിന്റെ കഥകള്‍ ഇഷ്ടം പോലെ ഉണ്ട് താനും ...എന്നിട്ടും പന്തിയില്‍ പക്ഷപാതം..പാവം ശ്രീരാമസേനക്കാര്‍ ...

ഇനി അഹിംസ? അഹിംസാ പരമോ ധര്‍മ എന്നാണെങ്കില്‍ 'ധര്‍മ ഹിംസ തദൈവച ' എന്ന് പാടിയ നാടാണ് ...ഇവിടെ ജീവിക്കുന്ന നമ്മളെ സമ്മതിക്കണം .. ആയുധം താഴെ വച്ചു തികച്ചും സമാധാന കാംക്ഷിയായി നിന്ന അര്‍ജുനന്‍ സഖാവിനെ "കുതസ്ത്വാ കശ്മലമിദം സമുപസ്ത്തിദം " എന്നൊക്കെ പുലമ്പിയ സവര്‍ണ്ണ ആര്യ (തല്‍ക്കാലം OBC യാദവനെ അപ്പര്‍ ക്ലാസ് ആക്കാം) വര്‍ഗീയ ഫാസിസ്റ്റ് കൃഷ്ണന്‍ ( വംശഹത്യ എങ്ങിനെ പിന്നെ മോഡി നടത്താതിരിക്കും ) ജനിച്ച നാട് ..ധനുര്‍വേദം എഴുതിയ നാട് ..പഠിച്ച നാട് (ആര് പഠിച്ചു ? സവര്‍ണ്ണ ഹിന്ദു ആര്യ ബ്രാഹ്മണര്‍ )..ദ്വാവിമൌ പുരുഷ ലോകേ ..സുര്യ മണ്ഡല ഭേദിന:പരിവ്രാദ് യോഗ: യുക്തശ്ച്ച്ച രണേചാഭിമുഖേ ഹത: (ജിഹാദ് അല്ലാതെന്തു ..ഹൂ ഭീകരം ).....ആയോധനം ഇവിടെ പാഠ്യപദ്ധ്യതിയുടെ ഭാഗമായിരുന്നു ...(കോടിയേരി ആഭ്യന്തരം ആവാഞ്ഞത്‌ നന്നായി ...അല്ലേല്‍ പിന്നെ ആയുധം പരിശീലനം കോഴിക്കോട് ഗ്രീന്‍ വാല്ലിയിലും ഏരിയ കമ്മിറ്റി ഓഫിസിലും മാത്രമാക്കി ഒതുക്കിയേനെ )

പറഞ്ഞു വന്നത്, രണ്ടെണ്ണം പൊട്ടിക്കുന്നത് കൊണ്ടു ഇവിടെ ഒരു ചുക്കും തകര്‍ന്നു വീഴില്ല.. സാമവും ദാനത്തൊടും ഒപ്പം ഭേദവും നല്ല ചുട്ട അടിയും ഇവിടെ നടക്കാത്ത കാര്യവുമല്ല...പിന്നെ ഒരു കാര്യം..അടിക്കുമ്പോ രണ്ടു കൂട്ടര്‍ക്കും കൊടുക്കണം ...പെണ്ണിനും (സ്‌ത്രീ എന്ന പദം മനപ്പൂര്‍വം ഒഴിവാക്കാ)..ആണിനും

മോറല്‍ പോലീസ് ചമയാനിറങ്ങിയ വാനര സേനക്കാരോടും , ജെട്ടി അഴിച്ചു അവകാശം സംരക്ഷിക്കാന്‍ ഇറങ്ങുന്ന മഹിളാരത്നങ്ങളോടും, അങ്ങിനെ ഒരു ഷോ തരപ്പെടും എന്ന് വിചാരിച്ചു ജയ് വിളിക്കുന്ന സാംസ്കാരിക 'നായ'കന്മാരോടും ഒരു അസഹിഷ്ണുവിന്റെ കുഞ്ഞു അഭ്യര്‍ത്ഥന ...നമ്മുടെ ഈ കുഞ്ഞു സഹോദരിമാര്‍ ഈ വഴി പിഴച്ച (പിഴച്ചട്ടില്ല എന്ന് പറയുന്നവര്‍ ക്ഷമിക്കണേ ) പാതയിലെക്കെന്തു കൊണ്ടു പോകുന്നു എന്ന് കൂടി ചിന്തിച്ചു കൂടെ? അതിനൊരു പരിഹാരത്തിന് വേണ്ടി കൂട്ടായൊന്നു ചര്‍ച്ച ചെയ്തൂടെ ?
*******************************************************************************************

അനുബന്ധം : ദേവിമാരുടെ മുലകളുടെ എണ്ണത്തിനും ശിവലിംഗ രതിവൈകൃത കണ്ടുപിടുത്തങ്ങള്‍ക്കും ശേഷം ആ നിലവാരത്തിലുള്ള പുതിയ കണ്ടു പിടുത്തങ്ങള്‍ വരുന്നൂ

1. "ഭര്‍ഗൊ 'ദേവസ്യ' ധീമഹി - വേദത്തില്‍ ദേവസ്യ ഉണ്ട്
2. അസ'തോമ' സദ്ഗമയ - വേദത്തില്‍ 'തോമ' വരെ ഉണ്ട് ..ആമേന്‍

അയ്യോ , അദ്ധ്യായം പറയാന്‍ മറന്നു ...(ഋഗ്വേദം 10-3-4)

പ്രിയപ്പെട്ട ഡോക്ടര്‍ക്ക്‌ ..(ഒരു ഫാസിസ്റ്റ് ബ്ലോഗറുടെ ജനനം)

2009-02-15T06:14:00.000-08:00

പ്രിയപ്പെട്ട ഡോക്ടര്‍ക്ക്‌ ..

ഡോക്ടറോട് ചോദിക്കാം എന്ന ഈ പംക്തിയിലൂടെ അനേകായിരം പേരുടെ മാനസിക വേദനകള്‍ പരിഹരിച്ച അങ്ങ് ഈയുള്ളവന്റെ വേദനകളും കൃപാ പൂര്‍വ്വം പരിഗണിക്കണം എന്ന അപേക്ഷയോടെ കാര്യത്തിലേക്ക് കടക്കട്ടെ ..കുറച്ചു കാലമായി ബ്ലോഗോസ്ഫെയരിലെ ഒരു പാവപ്പെട്ട (സത്യമായും അതെ ...) വായനക്കാരനായി അടങ്ങി ഒതുങ്ങി ഇരിക്കയായിരുന്നു ...ഈയിടെയായി ചില ലേഖനങ്ങള്‍ കണ്ടപ്പോഴാണ് എന്റെ മാനസിക നിലവാരം വളരെ അധപതിച്ചതാണെന്ന് മനസ്സിലായത്.

ഡോക്ടര്‍, ഈയിടെയായി എന്റെ കാര്യങ്ങളെ ഗ്രഹിക്കാനുള്ള കഴിവ് കുറയുന്നോ എന്നൊരു സംശയം ..ഇതു ഉറപ്പാക്കിയത് ചാണക്യാദി പ്രഭ്രിതികളുടെ കണ്ടുപിടുത്തങ്ങള്‍ വായിച്ചപ്പോഴാണ് ...ശ്രീരാമ സേന, നവനിര്‍മാന്‍ സേന തുടങ്ങിയ വാനരപ്പടകള്‍ സംഘ പരിവാര്‍ ആണെന്ന് ആ ബഹു മാന്യ ദേഹം കഷ്ടപ്പെട്ട് ഗവേഷണം നടത്തി കണ്ടു പിടിച്ചപ്പോള്‍ ആ മഹാ സത്യത്തെ ഒരു പൊട്ടിച്ചിരിയോടെ ആണ് ഞാന്‍ നേരിട്ടത്‌ ...ഡോക്ടര്‍ , നാളെ മോസ്സാദ് , ലഷ്കര്‍ ഇ തോഇബ എന്നിവര്‍ സംഘ പരിവാര്‍ ആണെന്നും ബുഷ് ആണ് സര്‍ കാര്യവാഹ് എന്നും ഇവര്‍ പറയുമ്പോള്‍ , അത് പോലും എനിക്ക് അംഗീകരിക്കാന്‍ പറ്റുമോ എന്ന് സംശയമാണ് ...സൈകോസിസില്‍ തുടങ്ങി മാനസിക വിഭ്രാന്തിയുടെ അതിഭീകരമായ തലത്തില്‍ എത്തി നില്ക്കുന്ന ഒരവസ്ഥയാണോ ഡോക്ടര്‍?

അത് മാത്രമാണേല്‍ പോട്ടെ, എന്ന് വക്കാമായിരുന്നു ..ഇതിപ്പോ തൂലികാനാമത്തിലല്ലാതെ സ്വന്തം പേരില്‍ തന്നെ ഇത്തരം ഭീകര കാര്യങ്ങള്‍ വിളിച്ചു പറയാനും തുടങ്ങി.. കഷ്ടം അല്ലെ ഡോക്ടര്‍? V.s നെ കണ്ട ലാവ്ലിന്‍ വിജയന്‍റെ അവസ്ഥ .. അത് മാത്രമോ , കുറച്ചു നാള്‍ മുന്‍പ്‌ അങ്ങ് നാഗ്പൂരില്‍ നമ്മുടെ ബി.ജെ.പി നേതാക്കള്‍ 'അയോധ്യയില്‍ 'അമ്പലം പണിയും എന്ന് പറഞ്ഞതു നല്ല ഒന്നാംതരം ബടായി ആണെന്നും ഞാന്‍ വിശ്വസിക്കുന്നു.. ഒരു ചുക്കും ചെയ്യാന്‍ പോണില്ല ...

ഡോക്ടര്‍, ഈയിടെയായി എനിക്ക് തീരെ പേടി തോന്നുന്നില്ല ...ഇതൊരു രോഗമാണോ ഡോക്ടര്‍ ? (ഒരു സഖാവ് ഈയിടെ പറഞ്ഞു, ഇതു നല്ല പെട കിട്ട്യാല്‍ മാറും എന്ന് ).. ആഗോളെ ഹിന്ദുത്വ ഭീകരന്‍ നരേന്ദ്ര മോഡിയെ എനിക്ക് ബഹുത് കാര്യമാണ് ...പുള്ളി വികസനമല്ല, ഇനി തലകുത്തി നിന്നാല്‍ പോലും 'ഞമ്മള്‍ സമ്മതിക്കുമോ'? അവനെ ബ്ലോഗിച്ചു ബ്ലോഗിച്ചു അടുത്ത ഇലക്ഷനില്‍ തോല്‍പ്പിച്ച് കളയാം എന്ന് കച്ച കെട്ടി ഇറങ്ങിയവരെ കാണുമ്പോള്‍ എനിക്ക് വാല് കുലുക്കി പക്ഷിയെ ഓര്‍മ്മ വരുന്നു ഡോക്ടര്‍..ഞാന്‍ പതിവായി അമ്പലത്തില്‍ പോയി വിഗ്രഹാരാധന എന്ന പാപം ചെയ്യുകയും സമയം കിട്ടുമ്പോ ഭഗവദ് ഗീത എന്ന സവര്‍ണ്ണ ഫാസിസ്റ്റ് ഗ്രന്ഥം വായിക്കുകയും ചെയ്യുന്നു..എന്റെ സംഘ പരിവാര്‍ ബന്ധം ഉറപ്പിക്കാം അല്ലെ ഡോക്ടര്‍?

നേര് നേരത്തെ അറിയുന്ന (അതിലും നേരത്തെ അറിയാന്‍ 2 കോടി കൊടുക്കാന്‍ , അമ്മയാണെ, എന്റെ കയ്യില്‍ കാലണ ഇല്ല )പത്രത്തില്‍ കണ്ട ചില ഒറ്റമൂലികള്‍ പരീക്ഷിച്ചു നോക്കി...

1. കണ്ണൂരില്‍ സംഘ പരിവാരക്കാരന്‍ കൊല്ലപ്പെടുന്നത് ആകാശത്ത് നിന്നു ഉല്‍ക്ക വീണാണ് എന്ന് പഠിച്ചു നോക്കി (ഇത്രകാലം കൊലപാതകം ആര് ചെയ്താലും പാപം എന്ന മിഥ്യാ ധാരണയിലായിരുന്നു )
2. പാലസ്തീന്‍ ആക്രമണം ആസൂത്രണം ചെയ്തത് നാഗ്പൂരിലാനെന്നു ഇമ്പോസിഷന്‍ എഴുതി പഠിച്ചു ..
3. കാല്‍ മാര്‍ക്സ് കഴിഞ്ഞാല്‍ പിന്നെ പരിശുദ്ധ പുണ്യാളന്‍ ലാവ്ലിന്‍ വിജയന്‍ ആണ് എന്ന് 10 പേരോട് പറഞ്ഞു
4. പഠനത്തില്‍ ബഹു മിടുക്കനായ മകന് 50 ലക്ഷം രൂപ പടച്ച തമ്പുരാന്‍ ചുമ്മാ നടക്കുമ്പോ ഒരു പൊതിയിലാക്കി മുന്‍പില്‍ കൊണ്ടു ചെന്നിട്ടതാണെന്ന് 10 പേര്‍ക്ക് മെയില്‍ foward ചെയ്തു
5. പരുമലയില്‍ കുറച്ചു ABVP കാരെ SFI കാര്‍ നീന്തല്‍ പഠിപ്പിക്കാന്‍ ശ്രമിക്കുന്നതിനിടയില്‍ മുങ്ങി മരിക്കുകയായിരുന്നു എന്നും പറഞ്ഞു പഠിച്ചു

ഡോക്ടര്‍, ഇത്രയും പരീക്ഷിച്ചു നോക്കി ...എന്നിട്ടും രാവിലെ എനീകുമ്പോള്‍ ഞാന്‍ "രത്നാകര ധൌത പതാം ഹിമാലയ കിരീടിനീം ബ്രഹ്മ രാജര്‍ഷി രത്നാട്യാം വന്ദേ ഭാരത മാതരം " എന്നോകെ ചൊല്ലിപ്പോകുന്നു ..മനോവിഷമത്തിനു ആക്കം കൂട്ടുന്ന കാര്യം അതല്ല ... മുപ്പതു മുക്കോടി ദേവകളുടെ കൂട്ടത്തില്‍ ആരാധ്യനായ യേശുദേവനേയും അല്ലാഹുവിനെയും ചേര്‍ത്തു പ്രാര്‍ത്ഥിക്കുക എന്ന മഹാ പാപം കൂടി ഈയുള്ളവന്റെ മാനസിക വിഭ്രാന്തിയുടെ തെളിവല്ലേ ഡോക്ടര്‍? അത് മാത്രമല്ല എന്റെ ഭഗവത് ഗീതക്കൊപ്പം ബൈബിളും ഖുറാനും വക്കുകയും ചെയ്യുന്നു ...(മുഖം മുടിയനിഞ്ഞ ഹിന്ദു വര്‍ഗീയവാദിയുടെ ..^&%^&%& ) ..
എന്നെ ഈ മനോവിഷമത്തില്‍ നിന്നു രക്ഷിക്കണം ഡോക്ടര്‍ ...ഉചിതമായ മറുപടി അടുത്ത ലക്കം വാരികയില്‍ പ്രതീക്ഷിച്ചു കൊണ്ടു

സ്നേഹപൂര്‍വ്വം
പ്രവീണ്‍
(തൂലികാ നാമം ഇല്ല ..അഹങ്കാരമാണോ ഡോക്ടര്‍ ?)

കരയാന്‍ മറന്നു പോയവന്‍...

2009-01-19T01:12:00.000-08:00

കരയാന്‍ മറന്നു പോയവന്‍...

ഇന്നലെ രാവിലെ നേരത്തെ തന്നെ തിരിച്ചു പോരേണ്ടി വന്നു ..ഞായറാഴ്ച ആയതു കൊണ്ടാണോ എന്തോ K.S.R.T.C യില്‍ വല്യ തിരക്കില്ല ..രാവിലെ നല്ല തണുപ്പ്.. എന്നും കാണുന്ന കാഴ്ചകള്‍ ആയതു കൊണ്ടു പുറത്തേക്ക് നോകാനും തോന്നീല്യ .. പെട്ടെന്ന് അടുത്ത് ഒരു 4 വയസ്സ് പ്രായമുള്ള കുട്ടിയേം കൊണ്ടു ഒരു മാന്യദേഹം വന്നിരുന്നു.. കൊല് കൊലുന്നെനെ സംസാരിക്കുന്ന ഒരു കിലുക്കം പെട്ടി ...കാണാനും ഒരു കുഞ്ഞു സുന്ദരി..നല്ലോണം ഒരുക്കീടുണ്ട് ..അതിങ്ങനെ ഓരോന്ന് ചോദികുന്നുണ്ട്‌ ...ഇടക്കെന്നെ ഒളികണ്ണിട്ടു നോക്കും.. ഞാന്‍ ശ്രദിക്കുന്നില്ല എന്ന് കണ്ടാല്‍ പതുകെ കയ്യിലുള്ള മൊബൈലില്‍ ഒന്നു തൊടും... ഞാനൊന്നു ചിരിച്ചു.. പുള്ളികാരി വേഗം മുഖം തിരിച്ചു ഗൌരവതിലിരുന്നു ..ഈ കലാപരിപാടി കുറച്ചു നേരം തുടര്‍ന്ന് ... പതുക്കെ കുട്ടിയുടെ അച്ചന്‍ ഇടപ്പെട്ടു.. പരിചയപ്പെട്ടു... ഒരു ഗള്‍ഫ് ആണ്.. ഞാനൊരു സോഫ്റ്റ്‌വെയര്‍ കുളാണ്ടര്‍ ആണെന്ന് കേട്ടപ്പോള്‍ വലിയ ഇഷ്ടം കാണിച്ചു ..പാവം ആഗോള പ്രതിസന്ധി ഒന്നും അറിഞ്ഞട്ടില്ല എന്ന് തോന്നുന്നു..ഈയിടെയായി തൊഴില്‍ മറ്റുള്ല്ലവരോട് പറയാന്‍ ഒരു പേടിയാ.. കാലം കലി കാലം ...അപ്പോഴേക്കും നമ്മുടെ ഹസീനകൊച്ചു എല്ലാവരുമായും ആന്ഗ്യ വിനിമയം തുടങ്ങി..എല്ലാവരും പതുകെ ഒന്നു കൊഞ്ചിക്കുന്നതും കണ്ടു...

"നാശങ്ങള്‍ ..മനുഷ്യനെ മെനക്കെടുത്താന്‍ ..കെട്ടിയെടുതോളും .." കണ്ടക്ടര്‍ സാറിന്റെ അട്ടഹാസം കേട്ടപ്പോള്‍ തിരിഞ്ഞു നോക്കി... ഒരു തമിഴത്തി(വംശീയ അധിക്ഷേപമല്ല ) ഒരു കുഞ്ഞുമുണ്ട്‌ .. നമ്മുടെ നായികയെകാള്‍ ചെറുതാണ്.എല്ലാവരുടെയും മുഖത്ത് അവജ്ഞ... ഞാനും അപ്പോഴാണ്‌ ശ്രദ്ധിച്ചത്.. അവരടുത്തു വന്നിരുന്നാലോ എന്ന് കരുതി സീറ്റില്‍ എല്ലാവരും വിശാലമായി ഇരിക്കാന്‍ തുടങ്ങി ..

കഥാനായിക കയ്യെത്തിച്ച് അവനെ തോണ്ടാനുള്ള ശ്രമം തുടങ്ങി .. പെട്ടെന്ന് അതിന്റെ അച്ഛന്‍ അവള്‍ ചെയ്താ തെറ്റിനെ ചീത്ത പറഞ്ഞു ...കയ്യില്‍ അഴുകാക്കണ്ട ..അറപ്പു തോന്നണില്ലേ നിനക്ക് ..അങ്ങിനെ പോയി നമ്മുടെ ഗള്‍ഫോപദേശം ..

എന്നെ അത്ഭുതപെടുത്തിയത് അതല്ല.. ഇത്രയോകെ നടന്നിട്ടും ആ കുട്ടികൊരു അനക്കമില്ല ...ശരിക്കും ഒരു നിര്‍വികാരത... ഞാനതിനെ അപ്പോഴാണ്‌ ശരിക്കും ശ്രദ്ധിച്ചത് ...ചെമ്പിച്ച മുടി ആകെ അലങ്കൊലമായിട്ടു കിടക്കുകയാണ് ..നല്ല കറുത്ത പുരികങ്ങള്‍ ..മുഖം നിറയെ ചളിയാണ്‌ ...ഒന്നു രണ്ടു മുറിവുകളും മുഖത്തുണ്ട്‌ ..കണ്ണുകളില്‍ കുസൃതിയോ തിളക്കമോ ഒന്നും ഇല്ലാത്തതു ശരിക്കും അത്ബുതപെടുത്തി.. കുടുക്കുകള്‍ പൊട്ടിയ ഒരു ഷര്‍ട്ട്‌ ഇട്ടിട്ടുണ്ട് ..
ആ കണ്ണുകളിലെ നിര്‍വികാരത എന്നെ ശരിക്കും ഭയപ്പെടുതിക്കളഞ്ഞു ..ഇതെന്റെ ലോകമല്ല എന്നവന്‍ ഉറക്കെ പറയുന്ന പോലെ ..തന്നെ പുച്ച്ചിക്കുന്ന വെറുക്കുന്ന ഈ ലോകത്ത് നിന്നവന്‍ പരന്നു പോവാന്‍ കൊതിക്കുന്ന പോലെ ...ആ വരണ്ട കണ്ണുകള്‍ എന്റെ ഉറക്കത്തിന്റെ ഇടവേളകളില്‍ ഒരുപാടു ശല്യപ്പെടുതുന്നു ...തൊട്ടടുത്ത്‌ എല്ലാ കണ്ണുകളിലും ഓമനത്തം വിതറി ഒരു കുട്ടി..നേരെ മുന്‍പില്‍ കാണുന്നത് പോലും ഇഷ്ടമില്ലാത്ത തരത്തില്‍ വേറൊന്ന് ...

സത്യം പറയട്ടെ..അവന്റെ നിസ്സഹായവസ്തയേക്കാള്‍ എന്നെ അസ്വസ്തനാകിയത് അവന്റെ ആ നിര്‍വികാരതയാണ്‌ ..ഒരു പാട് ചിന്തിച്ചു കൂട്ടി.. നമുക്ക് ചുറ്റും ..നമ്മുടെ കാഴ്ചപ്പാടുകള്‍ ....നമ്മുടെ ചിന്തകള്‍ ...പ്രവൃത്തികള്‍ ...പക്ഷെ എല്ലാ ചിന്തകല്കും ഒരവസാനമുണ്ട് ....എല്ല്ലാം ആ കണ്ണുകളില്‍....

ഒരു അനുബന്ധം

ബസ്സ് സ്റ്റോപ്പില്‍ ബസ്സ് കാത്തു നില്‍കുമ്പോള്‍ ഒരു ബസ്സ് നിര്‍ത്താതെ പോയി ..വളരെ സ്പീഡില്‍ .."ഹൂ ..ഇവന്മാരെന്താ വായുഗുളിക വാങ്ങിക്കാന്‍ പോവാണോ .." പിന്നീടങ്ങോട്ട് ബസുകാരുടെ മരണ പാചിലിനെ വിമര്‍ശിച്ചു ഒരു വലിയ ചര്‍ച്ചാ..എല്ലാ സ്റൊപിലും ബസ്സ് നിര്‍ത്തണം എന്നോകെയാണ് ചര്‍ച്ച ..അങ്ങിനെ ഒരു ബസ്സ് നിര്ത്തി..ഇടിച്ചു കയറി ..സീറെല്ലാം ഫുള്‍ ..നോക്കുമ്പോള്‍ ചില സീറ്റില്‍ ഒന്നു അഡ്ജസ്റ്റ് ചൈതോകെ വേണേല്‍ ഇരികാം.. പക്ഷെ നമ്മളുടെ നോട്ടം കാണാത്ത രീതിയില്‍ സീറ്റില്‍ നിറഞ്ഞിരികയാണ് ...വീടിലെ സ്വീകരണമുറിയില്‍ ഇരിക്കുന്ന പോലെ .. അങ്ങിനെ ഒരുത്തന്‍ എണീറ്റ് ഇറങ്ങാന്‍ തുടങ്ങി..എല്ലാരേം ഇടിച്ചിട്ടു അവിടെ കേറി ഇരുന്നു ..ഹൂ എന്തൊരാശ്വാസം ..അപ്പോഴാ ഒരു കാര്യം ശ്രദ്ധിച്ചത് ...ബസ്സ് എന്താ ഇഴഞ്ഞു പോകണേ.. ഹൂ നാശം ..ഇതെപ്പോ എതാനാവോ? എല്ലാ സ്റൊപിലും നിര്ത്തി നിര്ത്തി ...കഷ്ടം ..ഇതിലും ഭേദം നടക്കുകയായിരുന്നു ..അപ്പോഴാണ്‌ അടുത്ത് കമ്പിയേല്‍ തൂങ്ങി നില്‍ക്കുന്നവന്റെ നോട്ടം എന്റെ സീറ്റില്‍ ആണ് എന്ന് മനസ്സിലായത് ..ഇമ്മിണി പുളിക്കും (ഞാനൊന്നു അഡ്ജസ്റ്റ് ചെയ്താല്‍ അവനിരിക്കാം) ..ഞാനാരാ മോന്‍ ..വേഗം പതുക്കെ കണ്ണടച്ച് ഉറങ്ങാന്‍ തുടങ്ങി.. ആ ഉറകം തുടരുകയാണ് ..ഞാന്‍ മാത്രമല്ല ..എല്ലാ മലയാളികളും ...

കൈ ഞാന്‍ മുറുകെ പിടിക്കയാണ്‌ ...

2009-01-07T02:18:00.000-08:00

കൈ ഞാന്‍ മുറുകെ പിടിക്കയാണ്‌ ...

കാരണം നിന്റെ തളര്‍ച്ചയല്ല ...ഇടറുന്ന കാലുകളും അല്ല ..
നിന്റെ വേദനകളില്‍ എന്റെ പ്രതികരണവുമല്ല ..
കനവുകള്‍ പെയ്തൊഴിഞ്ഞപ്പോഴുള്ള എകാന്തതയാലുമല്ല ...

നിന്റെ സന്തോഷങ്ങള്‍ ....ഞാനൊരു കാഴ്ച്ചകാരനായിരുന്നു
മഴതുള്ളിയിലെ കവിതയെ നീ അറിഞ്ഞു തുടങ്ങിയപ്പോള്‍ ...
ഭാരതപ്പുഴയിലെ മണല്‍പരപ്പില്‍ ഒരു വളപ്പൊട്ട് നീ തേടിയലഞ്ഞപ്പോള്‍
ഞാനൊരു കാഴ്ച്ചകാരനായിരുന്നു ....
പക്ഷെ കാഴ്ചകള്‍ അവ്യക്തമായിരുന്നു...

ചക്രവാക പക്ഷികള്‍ കരയുമത്രേ...
സന്ധ്യകളില്‍ .. ഏകാന്തതയെ സ്നേഹിക്കാത്തവര്‍ക്കറിയാമത്രെ ...
പക്ഷെ ......
ഇവിടെ ശബ്ദവും ഉരുകിയൊലിക്കുന്ന ഏകാന്തതയാണ് ...

കൈ ഞാന്‍ മുറുകെ പിടിക്കയാണ്‌ ...
കാരണം ഞാനൊരു സ്വാര്‍ത്ഥനാണ് ....
എന്റെ സന്തോഷങ്ങള്‍ .....എന്റെ കാഴ്ചയില്‍ ,
നീ മാത്രമായിരുന്നു...

പ്രവീണ്‍
www.muttichur.com

ഒരു കര്‍ഷകന്റെ ആത്മഹത്യാ കുറിപ്പ്..( മുരുകന്‍ കാട്ടാക്കട )

2008-12-10T04:51:00.000-08:00

മുരുകന്‍ കാട്ടാക്കട ...മനസ്സില്‍ നിന്നു മനസ്സിലേക്ക് പെയ്തിറങ്ങുന്ന ചൊല്കവിതകളുടെ രാജകുമാരന്‍ ...സമൂഹത്തിലെ അസ്വസ്ഥതകളെ വയനക്കാരില്‍ പ്രതികരണമാക്കി മാറ്റുന്നതില്‍ വിജയിച്ച അങ്ങേക്ക് ഈയുള്ളവന്റെ പ്രണാമം ...

ഒരു കര്‍ഷകന്റെ ആത്മഹത്യാ കുറിപ്പ്

ഇതു പാടമല്ലെന്റെ ഹൃദയമാണ് ...
നെല്കതിരല്ല കരിയുന്ന മോഹമാണ്..ഇനിയെന്റെ കരളും പറിച്ചു കൊള്‍ക..
പുഴയല്ല കണ്ണീരിനുറവയാണ് ...വറ്റി വരളുന്നതുയിരിന്റെ ഉറവയാണ്
ഇനിയെന്റെ ശാന്തിയുമെടുത്തു കൊള്‍ക

കതിരു കൊത്താന്‍ കൂട്ടുകിളികളില്ല
കിളിയകറ്റാന്‍ കടും താളമില്ല
നുരിയിട്ടു നിവരുന്ന ചെറുമി തന്‍ ചുണ്ടില്‍ വയല്‍ പാട്ടു ചാര്‍ത്തും ചുവപ്പുമില്ല
നാമ്പുകളുണങിയ നുകപ്പാടിനോരത്ത് നോക്കുകുത്തി പലക ബാക്കിയായി
ചലനവുമെടുത്തു കൊള്‍ക... ബോധവുമെടുത്തു കൊള്‍ക......................... പാട്ടുകളെടുത്തു കൊള്‍ക............

കര്‍ക്കിട കൂട്ടങ്ങള്‍ മേയുന്ന മടവകള്‍
വയല്‍ ചിപ്പി ചിത്രം വരക്കും ചതുപ്പുകള്‍
മാനത്തു കണ്ണികള്‍ മാരശരമെയ്യുന്ന മാനസ സരസ്സാം ജലചെപ്പുകള്‍
ധ്യാനിച്ചു നില്‍കുന്ന ശ്വേത സന്യാസികള്‍.....
നാണിച്ചു നില്ക്കും കുളക്കോഴികള്‍ ...

പോയ്മറഞെങൊ വിളക്കാല ഭംഗികള്‍ ...
വറുതി കത്തുന്നു കറുക്കുന്നു ചിന്തകള്‍
ഇനിയെന്റെ ബോധവുമെടുത്തു കൊള്‍ക.........................

വൈക്കോല്‍ മിനാരം മറഞ്ഞ മുറ്റത്തിന്നു
ചെണ്ട കൊട്ടി കടത്തെയ്യങ്ങളാടുന്നു
ഇനിയെന്റെ ചലനവുമെടുത്തു കൊള്‍ക...

ഇനിയെന്റെ ശാന്തിയുമെടുത്തു കൊള്‍ക
ഇനിയെന്റെ കരളും പറിച്ചു കൊള്‍ക...
ഇനിയെന്റെ പാട്ടുകളെടുത്തു കൊള്‍ക............
ഇനിയെന്റെ ബോധവുമെടുത്തു കൊള്‍ക.........................

ഒരു പാലത്തിന്റെ കഥ ..

2008-12-07T19:43:00.000-08:00

മുറ്റിച്ചൂര്‍ കടവ് വരെ പോയി ..ചുമ്മാ വൈകിട്ട് നടക്കാനിറങിയതാ. പാലം പണി നടക്കുന്നുണ്ട് എന്ന് കേള്‍കുന്നതല്ലാതെ അങ്ങോട്ട് തീരെ പോവാറില്ല. ഓര്‍മ വച്ച നാള്‍ മുതല്‍ കേട്ട് തുടങ്ങിയതാ പാലത്തെ കുറിച്ചു . അത്ര വലിയ പുഴ ഒന്നും അല്ല..പക്ഷെ അതിനോരുപാട് സ്വാധീനമുണ്ട് (എല്ലാ പുഴകളെയും പോലെ .........കനാലുകളെയും പോലെ .. ) നാട്ടില്‍ ചര്‍ച്ചകളാണ് ..( പണ്ടു മുതലേ ഉള്ളതാ...പാലം വന്നാലുള്ള നേട്ടങ്ങള്‍ ...)റിയല്‍ Estatukar ഉഷാറായി.. അവിടെ എത്തിയപ്പോള്‍ നബാര്‍ഡ് ഒരു ബോര്‍ഡ് വച്ചിരിക്കുന്നത് കണ്ടു. Expected Completion date: സെപ്റ്റംബര്‍ 9. എല്ലാ മലയാളിയേയും പോലെ സര്‍കാര്‍ കാര്യങ്ങളുടെ മേല്ലെപോകിനെ കുറിച്ചൊക്കെ വാചാലരായി ..എല്ലാവരും നേട്ടങ്ങളെ കുറിച്ചു പറഞ്ജോണ്ടിരിക്കുമ്പോള്‍ കുഞ്ഞു നഷ്ടങ്ങളെ മറന്നു പോകുകയാ..ആദ്യമായി കോളേജില്‍ പോവുന്നത് കടത്തു വള്ളതിലൂടെയാ .. അന്ന് ഫ്രീയാ ...സ്ഥിരം സമയം..സ്ഥിരം ആളുകള്‍ ..വഞ്ചിയോ ചന്ങാടമോ കാത്തുള്ള കടവിലെ കാത്തിരിപ്പ്‌ ...ചര്‍ച്ചകള്‍ ...അങ്ങിനെ അങ്ങിനെ ... ഒരുപാടു സൌഹൃദങ്ങള്‍ ...ഇതൊക്കെ ഒരിക്കലും പിന്നീട് പുറത്തു പറഞ്ഞാല്‍ കാലിയാകും എന്ന് തരത്തിലുള്ള പരിഹാസ്യമായ ഒരു കാര്യം ആയി ഒരിക്കലും തോന്നീടില്ല.. രാവിലെ തെങ്ങിന്‍ തോപ്പുകളുടെ ഇടയിലൂടെ ഒരു 1.5 km നടക്കണം കടവിലോട്ടു ..മിക്കവാറും ചങ്ങാടം മറ്റേ കടവിലായിരിക്കും .. അതും കാത്തു നില്ക്കും ..തളിക്കുളം സ്കൂളിലേക്കുള്ള കുട്ടികള്‍, ടീചെര്‍സ്, പണിക്കാര്‍ , S.N കോളേജ് students (ഈയുള്ളവനും അതില്പെടുതാം )..

അങ്ങിനെ ചന്ങാടമോ വന്ചിയോ എത്തിയാല്‍ വേഗം അതില്‍ കേറി ഒരു കുഞ്ഞു യാത്ര.. ആ കുഞ്ഞു കായലോളങ്ങളെ കീറിമുറിച്ച്‌ ആടിയാടി ....ചങ്ങാടത്തില്‍ യമഹാ എങ്ങിനെ ഒന്നും ഇല്ലാട്ടോ ...ജസ്റ്റ് മാന്‍ പവര്‍ ..2 പേരുണ്ടാവും ചങ്ങാടം കുത്താന്‍ ..കുറച്ചു സൈക്കിള്‍ ..നാലന്ച്ചു ബൈക്ക് ..ഒന്നോ രണ്ടോ ഓട്ടോ റിക്ഷ ..ഇത്രേം ഉണ്ടാവും കൂടെ ...മഴകാലത്ത് നല്ല ഒഴുകുണ്ടാവും ..ഈ രണ്ടു പേര്‍ ചേര്ന്നു ഇത്രേം വല്യ ചങ്ങാടം തുഴഞ്ഞു അക്കരെ എത്തിക്കുന്നത് നമ്മുടെ ജോലി ഭാരത്തെ കുറിച്ചു വാ തോരാതെ സംസാരിക്കുന്ന ഐ.ടി കുട്ടപ്പന്മാരെ കാണിക്കേണ്ടതാണ് ...
ശീതീകരിച്ച മുറിയില്‍ ഒരു കമ്പ്യൂട്ടറിന്റെ മുന്‍പില്‍ ചടഞ്ഞിരിക്കുമ്പോള്‍ നഷ്ടങ്ങളുടെ കണക്കു പരിശോധിക്കാന്‍ മിനക്കെടാറില്ല ..കാര്‍മേഘം നിറഞ്ഞ മാനത്തിനു കീഴെ ഒരു കുഞ്ഞു ചങ്ങാടത്തില്‍ കലങ്ങി മറിഞ്ഞൊഴുകുന്ന പുഴയെ കീറി മുറിച്ചു...ഇന്നു ഒരു 5 മിനിട്ട് കാത്തു നില്‍കാന്‍ പറ്റാറില്ല..ക്ഷമ കിട്ടാറില്ല...പക്ഷെ..എത്ര ദിവസമാ ചന്ങാടവും കാത്തു ...അല്ലെങ്കില്‍ വന്ചിക്കാരന്‍ ഊണ് കഴിച്ചു വരുന്നതും കാത്തു ആ കടവില്‍ ...നല്ല സൌഹൃദങ്ങള്‍ ...നയപരമല്ലാത്ത സ്നേഹ ബന്ധങ്ങളാണ് എന്നും നാം ഓര്ക്കാനിഷ്ടപ്പെടുക...ഞാനും നീയും പുഴയും ...

കാഴ്ചകള്‍ ഇനിയും ബാക്കി -(നീതു ) Neethu

2008-12-03T23:40:00.000-08:00

കാഴ്ചകള്‍ ഇനിയും ബാക്കി (നീതു ) Neethu

കാഴ്ചകള്‍ ഇനിയും ബാക്കി
കരയരുതേ കണ്ണേ നിനക്ക് കാണുവാന്‍ കാഴ്ചകള്‍ ഇനിയും ബാക്കി
വിരിയാത്ത പൂവുകള്‍ ,ബാക്കി ചിരിക്കാത്ത മുഖങ്ങള്‍

ബാക്കിമാംസം പിച്ചി തിന്നുന്ന കഴുകന്മാര്‍ ബാക്കി
ഒഴുകാത്ത പുഴകളും ,വീശാത്ത കാറ്റും ബാക്കി

കണ്ണേ നിനക്ക് കാണുവാന്‍ കാഴ്ചകള്‍ ഇനിയും ബാക്കി

കാലത്തിന്‍ കളി വിരുതുകള്‍ ബാക്കി ,ഹൃദയ കാഠിന്യത്തിന്‍ ധ്വനികള്‍ ബാക്കി

വിശകുന്ന വയറിന്‍ , തളരുന്ന തനുവിന്‍ , അലയുന്ന ബാല്യത്തിന്‍ രോദനം ബാക്കി

നഷ്ട സ്വപ്നത്തിന്‍ ചിറകടികള്‍

കണ്ണേ നിനക്ക് കാണുവാന്‍ കാഴ്ചകള്‍ ഇനിയും ബാക്കി

യാത്രകിടയില്‍ ...സുഗതകുമാരി (Sugathakumari)

2008-12-01T08:50:00.000-08:00

യാത്രകിടയില്‍ ...സുഗതകുമാരി (Sugathakumari)

എനിക്ക് പണ്ടേ പ്രിയം നിങ്ങളെ , സ്വപ്നങ്ങളെ
ചിരിക്കും ബാല്യം തൊട്ടേ നിങ്ങളെന്‍ കളിത്തോഴര്‍
ഏതിരുട്ടിലും നമ്മളൊന്നിച്ചു വാണു , നിങ്ങ-
ലെതഴളിലും വന്നെന്‍ കണ്ണൂനീരൊപ്പി തന്നു

വിളര്‍ക്കും ദിനങ്ങള്‍ തന്‍ കവിളില്‍ ചായം തേച്ചു‌
തിളക്കും വേനല്‍ച്ചുടില്‍ പൂകളെ തുന്നിചേര്‍്ത്തു
ദാഹത്തില്‍ പുന്തേനെകി ദുഃഖത്തില്‍ പ്രേമം നല്‍കീ
രോഗത്തില്‍ സുഖാശ്വാസദൃഡവിശ്വാസം പാകീ

ഈ വഴിത്തളര്‍ചയെ ഞാനറിഞ്ഞീല നിങ്ങള്‍
ഗാനലോലുപര്‍ കൂട്ടിനൊന്നിച്ചു നടപ്പോളം
അങ്ങനെ നാമൊന്നിച്ചേ കഴിഞ്ഞു ചിരകാലം
ഇന്നു ഞാനിവിടെയീ നാല്‍കവലയില്‍ പെട്ടെ-
ന്നറിവു‌ കാണ്മീലല്ലോ നിങ്ങളെകൂടെ പ്പിരി -
ഞ്ഞകലുന്നേരം നിങ്ങള്‍ യാത്രയും ചൊല്ലീലല്ലോ

എങ്ങിനെയിനി? നിന്നു പോകുന്നേന്‍ , സ്വപ്നങ്ങളെ
നിങ്ങള്‍ കൈവിട്ടോന്‍ , ഏറെ ക്ഷീണനീ യാത്രക്കാരന്‍
നടക്കാന്‍ വഴിയെത്രയുണ്ടിനി കൊടും വെയില്‍
തണുക്കും മഹാ സന്ധ്യകെത്രയുണ്ടിനി നേരം ...

വിനോദം - വിജയലക്ഷ്മി

2008-11-26T09:01:00.000-08:00

വിനോദം - വിജയലക്ഷ്മി

പ്രൈം ടൈമില്‍
കവിയും ഗാനരചയിതാവും
ഒരുമിച്ചു നടക്കാനിറങ്ങി,
വംശഹത്യയുടെ തെരുവില്‍

കല്ലേറ് ..കൊല ..ശോഭയാത്ര

തല പൊട്ടിയ കവി നിലത്തിരുന്നു
പെട്രോളും തീപ്പെട്ടിയും ഓടി വന്നു

ഗാനരച്ചയിതാവില്‍ നിന്നു
മധുരപദങ്ങളുടെ പൂമഴ
ഭസ്മം, ചന്ദനം, കളഭം, തീര്‍ത്ഥം, അമ്പലം
എറിയുന്നവര്‍ കല്ല്‌ നിലത്തിട്ടു
തലയറുക്കപ്പെട്ട ശരീരം ചാടിയെണീറ്റ്
സിനിമാറ്റിക് ഡാന്‍സ് ആരംഭിച്ചു

അപ്പോള്‍ ഷോറൂമിലെ
ടി.വി സെറ്റിനുള്ളില്‍് നിന്നു
സുന്ദരിയായ പെണ്‍കുട്ടി
കൊഞ്ചി ചോദിച്ചു ;

"നിങ്ങള്‍കിനി ഏത് പാട്ടാ വേണ്ടത്? "

കിളി, മരം ,ഭുമി - വി.മധുസു‌ധനന്‍ നായര്‍

2008-11-26T08:41:00.000-08:00

കിളി, മരം ,ഭുമി - വി.മധുസു‌ധനന്‍ നായര്‍

നഷ്ടപ്പെടുന്ന സ്വാതന്ത്ര്യത്തിന്റെ ....ചുറ്റും വളയപ്പെടുന്ന സ്വര്തമോഹങ്ങളുടെ.....ചില വ്യാകുലതകള്‍

'കൂടൊഴിയണം'
മരം കിളിയോടോതീ
കിളി ആകാശത്തിര നോക്കി -
പ്പറന്നു കു‌ടില്ലാതെ
'കാടൊഴിയണം'
ഭുമി മരത്തോടോതീ
മരം
ദുരെ , യാക്കിളിയുടെ
ചിറകില്‍ നോക്കിപ്പോയീ

ഇനിയെന്ത് വില്‍ക്കും ? വിജയലക്ഷ്മി (Vijayalakshmi)

2008-11-25T21:43:00.000-08:00

ഇനിയെന്ത് വില്‍ക്കും ? വിജയലക്ഷ്മി (Vijayalakshmi)

പുഴയെ , കാറ്റിനെ , വെയിലിനെ വില്‍ക്കാന്‍
മഴയെ മണ്ണിന്റെ തരികളെ വില്കാന്‍
പതിനാലാം രാവിന്റെയഴകിനെ വില്കാന്‍
പുലരിതന്‍ സപ്ത സ്വരങ്ങളെ വില്കാന്‍
അവര്‍ വിളിക്കയായ് ..വരിക, ലോകത്തിന്‍
പെരുമടീശീലതലവരേ ..നീല -
മലകള്‍ നിങ്ങള്‍ക്കു കുഴിചെടുക്കുവാന്‍
ഹരിതവൃക്ഷങ്ങള്‍ പിഴുതെടുക്കുവാന്‍
മകരവും മഞ്ഞും കുളിരും നിങ്ങള്‍ക്കു
മറന്നു പോകാതെ പൊതിഞ്ഞെടുക്കുവാന്‍
അലക്കിത്തേച്ച വെണ്ചിരിയുമായ് നാടു
മുറിച്ചു വില്‍ക്കുവാന്‍ കൊതിച്ചു നില്‍പ്പവര്‍
വിളിച്ചു കൂവുന്നു ..നുറുക്കു‌ കേരളം ..
മുറിചെടുക്കുകീ കശാപ്പു കത്തിയാല്‍
ഇനി വില്‍കാനുണ്ട് , തിരിച്ചറിയലിന്‍
തുറുപ്പു ചീട്ടൊന്നു കഴുത്തിലിട്ടവര്‍
ഇറച്ചിക്കും വേണ്ടാത്തവര്‍ ..ശതകോടി
അവരെ താങ്ങുവാന്‍ വരുവതാരിനി ?

ഗുരുഭ്യോ നമ:

2008-10-08T22:37:00.000-07:00

Deepest condolence.

Dear all

Here I share my condolence on the sad demise of Asokan master(Retd.H.M A.L.P.S). My deepest condolence.

May God give his family the strength and the courage to bear this irreparable loss. We can pray for the salvation of the departed soul.

May God provide the peace to all and give them strength.

ശ്രീ Asokan മാസ്റ്റര്‍

( പ്രധാനാധ്യാപകന്‍ , ബി.ജെ.പി സംസ്ഥാന നിര്‍വാഹക സമിതി അംഗം, മാതാ അമ്രുതാനന്ദമയി മഠം കാര്യദര്‍ശി , മുറ്റിച്ചൂര്‍ ഗ്രാമീണ വായനശാല സെക്രെട്ടറി , ദീനദയാല്‍ ട്രസ്റ്റ് director ബോര്‍ഡ് മെമ്പര്‍, വിവേകനന്ദ സാംസ്കാരിക സേവാ കേന്ദ്രം മാര്‍ഗദര്‍ശി, pensioners അസോസിയേഷന്‍ സെക്രടറി ,എന്നിങ്ങനെ നിരവധി മേഖലകളില്‍ പ്രവര്‍ത്തിച്ചിട്ടുണ്ട്‌ .)

Regds,
Praveen

ഒരു നനഞ്ഞ പ്രഭാതം ......

2008-09-15T22:49:00.000-07:00

ഇതൊരു യാത്രാ വിവരണം ഒന്നും അല്ല...

ഒരു അവധി ദിവസം രാവിലെ പ്രവീണിന് തോന്നിയ വെളിപാടുകള്‍ ആണ്...എല്ലാ ശനിയാഴ്ചയും പോലെ അന്നും രാവിലെ അമ്മയുടെ ചീത്ത കേട്ടിട്ടാണ് എണീറ്റത് ..നേരം പത്ത് മണിയായി ...എണീറ്റ് കുളിച്ചു വല്ലോം കഴിക്കാന്‍ നോക്ക് ..ഇങ്ങനെ പോണു മീനാക്ഷികുട്ടീടെ dialogues. അങ്ങിനെ പല്ലൊക്കെ തേച്ചു അമ്പലകുളത്തില്‍ കുളിക്കാനിറങ്ങി.. മഴ ചാറുന്നുണ്ടായിരുന്നു ...

കുറെ തെങ്ങിന്‍ തോപ്പുകളുണ്ട് പോകുന്ന വഴിയില്‍ ..എല്ലാം ഇങ്ങനെ നനഞ്ഞു നിക്കുകയാ.. ഇടയിലുള്ള ചാലുകളില്‍ വെള്ളം നിറഞ്ഞു തുടങ്ങി. എന്തോ ചുണ്ടയിടാനും വല വച്ചു മീനെ പിടിക്കാന്‍ ആരെയും അവിടെ കണ്ടില്ല. സാധാരണ ആരെയെന്കിലും കാണാറുളളതാണു. പറഞ്ഞ പോലെ ഒരു കാര്യം പറയാന്‍ മറന്നു ..മുറ്റിച്ചൂര്‍ സിറ്റിയില്‍ ആകെ 5 ബസ്സ് ആണ് ഉള്ളത്. റോഡിലെ ട്രാഫികും കണക്കാണ്.. ഒരു k.s.r.t.c രാവിലേം വൈകീട്ടും ഓടുന്നുണ്ട് ..( കാലാവസ്ഥ പ്രവചനം പോലാണ്‌ ..ഓടാനും ഒടാതിരിക്കാനും സാധ്യതയുണ്ട് ).. വഴിയില്‍ കുറച്ചു പേരെ കണ്ടു..സ്ഥിരം ചോദ്യം.. എപോഴാ വന്നെ ....ഞാനെന്തോ ഗള്‍ഫില്‍ നിന്നു വന്ന പോലെയാ..എന്നാലും കേള്‍കുമ്പോ ഒരു സുഖം തന്നെയാ. ആ ഒരു കവിത ഓര്‍മ വരുന്നു ..."പറഞ്ഞു നോക്കുക വെറുതെ നിങ്ങള്‍ക്കെത്ര കിളിയുടെ പാട്ടറിയാം? എത്ര മരത്തിന്‍ തണലറിയാം "...ആലോചിച്ചാ കഷ്ടമാ ...കഷ്ടം എന്ന് ഉദേശിച്ചത്‌ നഷ്ടപ്പെടുന്ന ഗ്രാമഭങ്ങിയെക്കുറിച്ചുള്ള വ്യാകുലതയോന്നുമല്ല..റോഡു മുഴുവന്‍ പശു ചാണകം ഇട്ടു വച്ചേക്കാ ..ആലോചിച്ചു നടന്നാല്‍ പണി കിട്ടും.. അതാ.. അമ്പലത്തില്‍ പോയി ആളുകള്‍ മടങ്ങിവരുന്നുണ്ട് ..ചിലരോടൊക്കെ കത്തി വച്ചു...അങ്ങിനെ വല്യ വിഷയങ്ങള്‍ ഒന്നുമല്ല.. ഇന്ത്യന്‍ ഐ.ടി മേഖല നേരിടുന്ന പ്രതിസന്ധികളെ കുറിച്ചും അമേരികന്‍ സാമ്പത്തിക പ്രശ്നങ്ങളെകുറിച്ചുമൊക്കെ അവരോട് പറഞ്ഞാല്‍ ....*&^&*% ..അറിയാലോ ..എന്തിനാ വെറുതെ ...അങ്ങിനെ അമ്പലകുളം എത്താറായി. മഴചാറലൊന്നും വകവെക്കാതെ ഒരു ടീം നീന്തുന്നുണ്ട്..കുറച്ചു പേര്‍ കരക്കിരുന്നു ലോകകാര്യങ്ങള്‍ ചര്‍ച്ച ചെയ്യുന്നു..
എനിക്കാണേല്‍ ടൈം ഇല്ല ...വേഗം കുളിക്കണം ..അമ്പലത്തില്‍ പോണം ...ഇന്നലെ അമ്മെടടുത്തു നിന്നു വല്ലതും കഴിക്കാന്‍ കിട്ടു..അങ്ങിനെ വേഗം ചാടി കുളിച്ചു ..കുറച്ചു നീന്തി..നേരെ അമ്പലത്തില്‍ കേറി.. തൊട്ടു മുകളില്‍ തന്നെ ആണ്

..അയ്യപ്പന്‍ കാവ് ക്ഷേത്രം ......സ്വാമിയേ ശരണമയ്യപ്പ സ്വാമിയേ ശരണമയ്യപ്പ സ്വാമിയേ ശരണമയ്യപ്പ സ്വാമിയേ ശരണമയ്യപ്പ സ്വാമിയേ ശരണമയ്യപ്പ സ്വാമിയേ ശരണമയ്യപ്പ..................

നമസ്തെ....

2008-09-14T22:06:00.000-07:00

പ്രിയപ്പെട്ടവരേ ...
ദേശാടനം എന്നൊക്കെ പറയുവാന്‍ മാത്രം ഒരു ദീര്‍ഘദൂരയാത്രയൊന്നും ഞാന്‍ നടത്തിയിട്ടില്ല ...നടന്നു പോകുന്ന വഴികള്‍ ഒന്നു കുറിച്ചു വക്കുന്നു... അത്ര മാത്രം. ഒരുപാടിഷ്ടാ..ചുമ്മാ ഇങ്ങനെ നടക്കാന്‍..കുറെ സ്വപ്നം കണ്ട്.. ആടിയാടി ...വട്ടാണോ എന്നൊരു സംശയം എനിക്കും ഇല്ലാതില്ല...ആ ....
ഇനി യാത്രകളെകുറിച്ച് ...ഒരു പാരീസ് യാത്രയെക്കാള്‍ ഞാനിഷ്ടപെടുന്ന സ്വപ്നം കാണുന്ന കുറെ സ്ഥലങ്ങളുണ്ട്...അമ്മയുടെ വീട് പട്ടാമ്പിക്കടുത്ത് കിഴായുര്‍ എന്ന ഒരു ഗ്രാമത്തിലാ ..അവിടെ നിന്നെ ഒരു ഒരു കിലോമീടര്‍ നടന്നാല്‍ ഭാരതപുഴയാണ് ..ആ യാത്രാ... ഉണങ്ങിവരണ്ട പാടത്തിലെ വരമ്പുകളില്‍ കൂടി റയില്‍ പാളത്തിലൂടെ..അങ്ങിനെ അങ്ങിനെ...എന്റെ യാത്രകള്‍ ദേ ഈ ടൈപ്പ് ആണ്..കാവും കുളവും പാടങ്ങളും നിറഞ്ഞൊഴുകുന്ന കുളങ്ങളും ..കാറ്റില്‍ ആടുന്ന കതിരില്‍ ബാലന്‍സ് ചെയ്യുന്ന കുഞ്ഞാറ്റകിളിയും ...എന്റെ ഒരു വീക്നെസ് ആണ്..ഇതൊക്കെ തേടി ഇടക്കൊരു പോക്ക് പോവും...

പിന്നെ എന്റെ സ്വിറ്റ്സര്‍ലന്‍ഡ് ...മുറ്റിച്ചൂര്‍ ...തെങ്ങിന്‍ തോപ്പുകളും കുളങ്ങളും തോടുകളും ..ശോ എന്താ പറയാ... അമ്പലകുളവും അതില്‍ നീന്തി മറിയുന്ന കുട്ടികളും...(ഞാനും ഒരാളാട്ടോ അതില്‍ )..ഒരുപാടുണ്ട് പറയാന്‍.. അപ്പൊ ഞാന്‍ തുടങ്ങാന്‍ പോവാ ...കുറെ ഇടിവെട്ട് യാത്രകളുമായി ...സാഹിത്യം ഓവറായാല്‍ ക്ഷമിക്ക.. കവിതേടെ അസഹ്യത ഇടയ്ക്കിടയ്ക്ക് വരാറുണ്ട്‌ ..കണ്ട്രോള്‍ ചെയ്യാന്‍ നോക്കാം

അപ്പൊ പ്രവീണിന്റെ യാത്രകള്‍ക്ക് അടുത്ത ഒരു ബെല്ലോടു കൂടി തിരശ്ശീല ഉയരുകയായി ...

ട്രീംഗ് ...
ട്രീംഗ് ...
ട്രീംഗ് ...
ട്രീംഗ് ...
ട്രീംഗ് ...
ട്രീംഗ് ...
ട്രീംഗ് ...